قهرمانلار ديريله‌جك،
اؤنونده ياد اگيله‌جك،
اوغوللارين سئويله‌جك،
شن گله‌جك، تئز گله‌جك،
آنا وطن، آنا وطن!
عطيرليدير قوينون سنين،
گولـله‌نجك دره‌لرين!
گئده‌‌‌جكدير دردين - غمين،
ديلكلريم آچار چيچك،
آنا وطن، آنا وطن!
ياد باغيرير يالان - يالان،
منه دئيير: بيزه اينان!
ائتمير بونو اصلا گومان،
سندن اولماز هئچ ال چكمك،
آنا وطن، آنا وطن!
بولاقلارين سرين سنين،
چشمه‌لرين درين سنين،
اوجا ذيروه يئرين سنين،
ان گؤزه‌لسن، بونو بيلك،
آنا وطن، آنا وطن!
سن منيم‌سن، منيمكي‌سن،
سن بير ايدين، بس ايكي‌سن؟
اوره‌گيمده سن، تكي سن،
يئر دوتوبسان، بئله گره‌ك!
آنا وطن، آنا وطن!
گؤزه‌لليكده بير دنه‌سن،
منجه، دونيا تكي سنسن.
آنجاق سنه باغلييام من،
صرف ائتميشم بوردا أمك،
آنا وطن، آنا وطن!
داغلاريندا گول آچاجاق،
قيزيل گونش نور ساچاجاق.
ايشيغيندان قورد قاچاجاق،
او گونه گل كؤنول وئره‌ك،
آنا وطن، آنا وطن!
قان رنگينده بايراغين وار،
دونيالارجا نؤوراغين وار،
ياز نفسلي مين داغين وار،
من قويموشام بوردا اوره‌ك،
آنا وطن، آنا وطن!
كيچيك
شعرلر - ص 6 .
آرديني اوخو
