ائل نيسگيلي- EL NİSGİLİ

دكتر حسين محمدزاده صديق (دوزگون)ون توركجه شعرلريني و ادبي يازيلاريني درج ائده‌جه‌ييك.

حبيب ساهيره مكتوب

بؤلوم : مثنويلر

سئوگي سئچمكده من اينان چاشمارام،

كؤنلۆم قاپيسين هر كيمه آچمارام.

سني من سئويرم صحبتين اۆچۆن،

دۆزلۆگه وئرديگين قيمتين اۆچۆن.

سن منيم آنامي ياددان قورودون،

بو يولدا اوساندين جاندان چۆرۆدۆن.

خلقيمه بسله‌دين درين بير اينام،

محبت دفترين ائيله‌دين تامام.

 مقاما شهرته سن آلدانمادين،

يالتاقلار تكي اؤز ائلين دانمادين.

سارايا شاهلار قوشما يازمادين،

آغير گۆنلرينده يولدان آزمادين.

 

ياد ايشكنجه‌سيندن ديزه چؤكمه‌دين،

حققي سئومكدن سن الين چكمه‌دين.

خلقيوين اوغروندا اؤز وظيفه‌ني،

يئرينه يئتيردين بير اوغول كيمي.

حقلي‌يم من سني سئوسم نه قده‌ر‌‌‌.

قولاق وئر كئچميشدن وئريم بير خبر‌‌‌:

من بو شن دۆنيادا حله يوخ ايكن،

وطنيمده گۆنش دوغولدو بيردن.

آغير بير توفاندان كئچميش شفقلر،

قيزيلا بله‌دي يوردو نه ته‌هر!

آذربايجان اوغلو حققينه يئتدي،

بيره‌ر – بيره‌ر شاهليق ايزلري ايتدي.

باشلادي سعادت بيناسين قورا،

سعادت نغمه‌‌سين يازيب اوخويا.

چيخدي چوخ شاعيرين اوندا آدلاري،

فطرتلر‌‌‌، اميدلر‌‌‌، و باشقالاري.

قاباقجا سارايي سۆسله‌ين اللر،

ايندي‌ده يازديلار ملّته سؤزلر.

گۆنلر كئچدي، آيلار اؤتدۆ، ايل اولدو،

بيردن آذر آيي فيرتينا قوپدو.

يئنه يادلار بيزه حاكم اولدولار،

شئرلر مسكنينه بير - بير دولدولار.

يئنه‌ده ملّتين حاققي ازيلدي،

«اميد»‌لر سارايا يئنه ديزيلدي.

يئنه شاعير گليب يالتاقليق ائتدي،

تنعّم ايچينده اؤزۆندن گئتدي.

آناديل، خلقليك، تام ناغيل اولدو،

آنامين قوينوندا چيچك‌لر سولدو.

شاعيرلر ياد ديلين يۆكسك ديل ساندي،

امپراتورلوغو حقلي ايناندي.

او زاماندان‌‌‌، بئله سن وطنيمده،

داياندين‌‌‌، يورد سالدين اؤز چيمنينده.

آغيرگۆنه، سينيق لامپايا دؤزدۆن،

ائليوه خلقيوه شعرلر يازدين.

دۆزگۆن دويغولاري گؤستردين ائله،

مترقي سؤزلر گتيردين ديله.

«كؤشن» شاعيريني نه ياد بيدادي‌‌‌،

نه ساراي، نه دربار آلدادانمادي.

انكشافيميزا چاليشدين بيزيم،

سن آچديغين ايزدير منيم ده ايزيم.

ايندي دۀ من سني نئجه سئومه‌ييم‌؟

نه اۆچۆن يازماييم نئچين اؤگمگيم؟

ازلي محبت اودو سؤنرمي،

گئرييه تاريخين چرخي دؤنرمي‌‌‌...

كيچيك شعرلر - ص  38 -  10 / 12 / 1346  .


یازار : سيد احسان یکشنبه 15 مرداد 1391 | باخیش لار (3)

شأنين

بؤلوم : مثنويلر

هيكل تراش كيمي سني يوندوم هامارلاديم،

هوپدوم وجودونا، گؤزۆنۆن ايچره پارلاديم.

شعريم اۆچۆن دئديم ياراديم بير گؤزه‌ل پري،

قلبيم درينليگي اونون اولسون آخين يئري.

آيدان آري، سودان دورو بير عيشوه‌لي گؤزه‌ل،

اؤيله گؤزه‌ل، يازيم وقارينا يئني غزل.

سن اعتناسيز اول، منه هئچ باخما آي كيمين،

سايماز يانا ياناش، منه شأنين بودور سنين.
یازار : سيد احسان یکشنبه 15 مرداد 1391 | باخیش لار (0)

قوشماجا

بؤلوم : مثنويلر

بويانا قاشديم تۆتۆندۆ،

اويانا قاشديم تۆتۆندۆ‌‌‌.

آغ آلمالار بۆتۆندۆ!

آغ آلمانين ساچاغي‌‌‌.

 اليمي كسدي پيچاغي‌‌‌.

ياغ گتيرين ياغليياق‌‌‌،

دستمال گتير باغليياق‌!

دستمال دوه بوينوندا،

دوه سيمنان يولوندا.

سيمنان يولو سر به سر،

ايچنده بير قيز گزه‌ر‌‌‌.

قيز دانيشدي قاش‌ ايله،

آلديم دوغا آش ايله.

او قيز دوغدو بير اوغلان،

آدين قويدو سليمان‌‌‌.

سليمان گل تبريزه‌‌‌،

بير گۆن قوناق اول بيزه‌‌‌.

بيزي ووردولار داشيله،

گؤزۆمۆز دولدو ياشيله.

اردبيل لوحه‌لري - ص  22 .


یازار : سيد احسان یکشنبه 15 مرداد 1391 | باخیش لار (0)

سني بويلاديم

بؤلوم : مثنويلر

كيمسه‌ني هئچ زامان تعريف ائتمه‌ديم‌‌‌،

مدّاح شاعيرلرين يولون گئتمه‌ديم‌‌‌،

روحلانديم من سنين صداقتيندن‌‌‌،

اؤزۆمه گۆوه‌نديم[1] پاك نيّتيندن‌‌‌.

اؤيگۆ [2] ايله دولو كئچميشلريني،

اؤيدۆم عمليني‌‌‌، دۆز ايشلريني‌‌‌.

وورولدوم من سنين خوش حالتينه‌‌‌،

كيمدير وورولماسين اصالتينه‌؟

سنه تعريف يازديم‌‌‌، سني بويلاديم[3]‌‌‌،

داردا قالان شئرتك سني هايلاديم‌‌‌.

سنين وارليغيني قوروسون الله‌‌‌،

ايلاهي سئوگي وار گپينده بالله‌‌‌.

 گؤرمك ايسته‌ييرم سني ائل كيمي‌‌‌،

اوجا داغ باشيندا جوشغون سئل كيمي‌‌‌،

آخاسان‌‌‌، يوواسان رياكارليغي‌‌‌،

ياياسان دۆنيايا دۆزگۆن يارليغي‌‌‌.

قاشقايي لوحه‌لري - ص  8 .



[1] گوه نمك: اعتماد ائتمك‌‌‌، اطمينان ائتمك‌‌‌، اورگي قيزماق‌‌‌.

[2] اؤيگو: تعريف‌‌‌، سيتايش‌‌‌، فخر‌‌‌، مدح و ثنا‌‌‌.

[3] بويلاماق: قهرمانليق ناغيلي دئمك‌‌‌، حماسه پردازليق‌‌‌.


یازار : سيد احسان یکشنبه 15 مرداد 1391 | باخیش لار (0)

آي تك آري

بؤلوم : مثنويلر

حله سن اوتايا ياددا دئييرسن،

دانيشاندا دا اؤز ديلين اگيرسن.

هئچ ياديمدان چيخماز‌‌‌، اؤيگويله دئدين:

«بيزه ديل نه لازم؟ ايتلين! گئدين!

تۆركۆنۆن كي هئچ بير ضابطه‌‌سي يوخ‌‌‌،

فارسي‌نين حؤرمتي اؤلكه‌ميزده چوخ‌!»

 

دئديم: «قارداش ديل كي وحدت ياراتماز،

انسان اولان كيمسه اؤز ديلين آتماز.

تۆركۆ - فارسي ‌‌نه‌دن گۆلشديريرسن،

اگري اۆگري بير يول توتوب گئديرسن‌؟

بولانديرما آخان دورو بولاغين،

آلما اليندن سن ائلين داياغين.

هر ديل اؤز خلقينه شيريندير اونون،

دانشيديغين سؤزۆن دۆشۆن بير سونون‌‌‌.»

 

دئدين: «قارشيليريق سني سئويريك.»

«بيزيم عاليميميز» سنه دئييريك‌‌‌.

«لاكين قورخوروق كي يادلار آپارا،

نقشه‌لر چكيرلر گؤر هاردان هارا؟»

 

سؤزۆن حؤرمتيني ساخلامادين سن،

دئدين مني هئچ واخت چاغيرماز وطن‌!

ياددا آدلانديرين جان بير قارداشي،

اوغلوم‌! اولماز ائلين اوباش بوباشي‌‌‌،

عشقي عقيده‌ده اينامدا آختار‌‌‌،

ايمانلي انسان اؤز شرفين تاپار‌‌‌.

قلبيم سوتك دورو‌‌‌، آي تك آريدير،

جيسميمي آغاردان نورو ناريدير‌‌‌...

اردبيل لوحه‌لري – ص  23 .


یازار : سيد احسان یکشنبه 15 مرداد 1391 | باخیش لار (0)

من سيد احسان، «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغام. اوميد ائديريم لذت آپاراسيز.
يوخاريداكي عكس، شاعر حسين دوزگونون ان يئني عكسيدير (1391).

آنا یارپاق

آرشیو

وبلاگ دوم اشعار استاد دكتر صديق

ایلگی

آختاریش

بؤلوم لر

گرايليلار (37)

سربست شعرلر (23)

خزه للر (42)

قوشمالار (103)

غزللر (24)

منظومه لر (14)

مثنويلر (5)

قوشا بئيتلر (6)

ديوانيلر (9)

قطعه لر (8)

دوزگونه خطاب شعرلر (25)

نظرلر و مقاله لر (13)

«احسان»ين تضمينلري (5)

«احسان»ين اوستادا خطاب شعرلري (9)

قاشقايي لوحه‌لري (5)

ترجيع‌بند (1)

بئشليكلر (3)

Hüseyin Düzgün şiirleri (23)

حبيب ساهر ايله علاقه‌دار شعرلر (4)

گالري تصاوير و عكسها (2)

دوققوزلوقلار (1)

ورزقان مجموعه‌سي (13)

كيتابلار (2)

یولداش لار

işıqlara doğru qaranlığlardan keç

Insanliq

وحشي نيسگيل لر

Damjiliqla-an

Serçə2012

اردبيل لوحه لري Ərdəbil Lövhələri

سولدوزلو

خوي هاراي: شعر و داستان تركي

çevirmən

ايران ترك: نام آوران جهان ترك

بئيزيم ائيلين گوزه ل دئيلي

سون یازیلار

«تورپاق قوخوسو» نشر اولدو

نشر كتاب «ايلك سفر» حبيب ساهر با ترجمه منظوم حسين دوزگون

مجموعه شعر «ورزقان» انتشار يافت

كيمي وار؟ - حسين دوزگونون شعرلري

قورخما - حسين دوزگونون شعرلري

هشيار اول- حسين دوزگونون شعرلري

آشناسيز- حسين دوزگونون شعرلري

آمان اركيم سؤكۆلۆر

اوغول - حسين دوزگونون شعرلري

باتي ايتي- حسين دوزگونون شعرلري

هيمّت - حسين دوزگونون شعرلري

پيغمبر نعتي

دۆنن، بوگۆن، صاباح

قيرميزي گۆل

وباللي آتيم

سحر ترانه‌لري

قو قوشو

گؤلچه

ائل قيزي

آذربايجانلي شهيد

ساكينله‌شيرم

يالواريش

يالنيز مني!

آلنيمين قيريشلاري

فاصله

شعرين قارتالي - دكتر حسين محمدزاده صديقين شعرلري

دئييرم - حسين دوزگونون شعرلري

قويما گئتسين زنگاني - حسين دوزگونون شعرلري

منيم اسلام دينيم - حسين دوزگونون شعرلري

خيال پيلوو - حسين دوزگونون شعرلري

آرشيو

تير 1393

خرداد 1393

بهمن 1392

آذر 1392

مرداد 1392

تير 1392

خرداد 1392

اسفند 1391

بهمن 1391

دى 1391

آذر 1391

آبان 1391

مهر 1391

شهريور 1391

مرداد 1391

باغلانتی لار

دوستداران دكترح.م. صديق

ائلدار تبريزلي

يوردوموز

آجيان يارا

انجمن شاعران هشتجين

خانه شاعران تبريز

توركجه شعرلر

سئوگي دونياسي

تبريزيم

سايت اجتماعي كاغذكنان

شاعران اهر

آذيورد

كولتورل آذربايجان

دوشرگه

ايشيق (ادبيات و اينجه صنعت سايتي)

دوشونجه

www.duzgun.ir

خانه شعر تركي

وبلاگ دوم اشعار حسين دوزگون

ائل نيسگيلي 2

دالغا

ليلا ابراهيمي

انسانليق

سایغاج

ایندی بلاق دا :
بو گونون گؤروشو :
دونه نین گؤروشو :
بو آیین گؤروشو :
بوتون گؤروش لر :
یازی لار :
باخیش لار :
یئنیله مه چاغی :

ایمکان لار

RSS 2.0