|
(ورزقان مجموعه‌سيندن) سنين وجودوندا آخان سؤزۆم وار،
او بلور بوينوندا حله گؤزۆم وار،
داملا- داملا سؤزۆم غزل اولاجاق
آخاجان اۆستونه بير چايلاق كيمي
ووراجاق قيراغا گلن هر كيمي
ايچينه سيزاجاق سوتك، دولاجاق
سنين الهاميني من وئره‌جكم.
ايچيندن قالخاجاق دالغالي توفان.
آلوولار چكه‌جك ديلينده طغيان
سنه ساكينليگي گتيره‌جگم
هئچ زامان يولونو آييرمامندن،
«ائل قيزي» آديني قوي قويسون وطن
بو قارانليق كۆمه‌ده يالنيز منم من
سني گۆنشلره ساري گؤتۆرن!
|
