|
بيز سنين چشمينده دلداريم بهاسيز اولموشوق،
ائوميزي سن ترك ائده‌ندن آشناسيز اولموشوق.
بو رياكارانلا هم‌صحبت اولاندان، اي صنم!
صيدق ترك ائتميش بيزي، بالله صفاسيز اولموشوق.
غيرت ملّيتي دانميش، عجم‌لشميش كيمي،
وه نه ناموس‌سوز، حميّت‌سيز، حياسيز اولموشوق.
هركس اؤز ملّي نشانين سانجدي اؤز درگاهينا،
بيز نه‌دن يزداني ميثاقا وفاسيز اولموشوق؟
دۆشمۆشۆك بير عؤمر، آردينجا دني خصمين، نه‌دن،
قدسي آماليميزا چوخ اعتناسيز اولموشوق.
گئتمه‌ميش دۆزگۆن ديارِ غربته، بو مۆلكده،
بير غريبين ميثلي، بي‌كس، آشناسيز اولموشوق.
يورد غزللري - ص 20.
|
