قوي گئديم بيرده قيزيللي مسجيده،

ساوموشام سورخابي، سئيتمزه‌ني من.

مقبره مسجيدي‌نين آغزيندا،

آغلاماق باسدي باجي، لاپ بيردن!

گلدي اخلاص ايله حالت بو گئجه.

دانيشيديغيم مناسيبتيله.

بوگۆن سيمنان شهري دانشگاهيندا،

يئنه آنام تبريز سندن سؤز ائتديم.

نه چاشديم، نه جايديم، نه ده بودره‌ديم،

سؤز مئيدانين اؤتۆب يولو دۆز گئتديم.

ديانت هاله‌سي آلدي سؤزۆمۆ،

ديليمين اوجوندا اوينادي غئيرت.

مردليك باخيشيمدان ايشيق ساچاندا،

سيمنان گؤزه‌للرين بۆرۆدۆ حئيرت!

دئييرديلر: «‌‌- احسن آنان تبريزه،

اوغولودا بئله بؤيوتمك گره‌ك!

كيمسه قورومازسا امديگي سۆتۆ،

ياشاماز كؤكسۆنده قيزغين بير اۆره‌ك.»‌

تبريز يوللاريندا - ص 27.

«‌‌تبريز ديلي»‌ حاققيندا دانيشيديغيم مناسيبتيله.

ديليندن سؤز آچديم اهوازدا بوگۆن،

غرور دويا - دويا، آنا تبريزيم!

سكوتون، حئيرتين خوزستانلي‌نين،

هديه گتيرميشم سانا، تبريزيم!

قورولتاي يئري‌نين ساغ ديواريندا،

عكسيني آسميشلار بير تبريزلي‌نين.

دئديلر: «‌‌- هم يئرلين شهيد اولموشدور.»‌

بير آن سوسدوم، زالدا دۆشۆندۆم درين:

«‌‌- عشق اولسون اهوازدا، ديني اوغروندا،

شهادت شربتي ايچن اوغلونا.

چئوريلن حقيقي تبريز ديلينه،

ان دۆزگۆن بير يولو سئچن اوغلونا! -»‌

اوديلدن دانيشماق نه چتين ايشدير،

بۆتۆن ديل‌سيز‌لرين ديلي‌دير او ديل.

ياشاماق ايسته‌سن بير انسان كيمي،

اونو - بونو بوراخ، گل او ديلي بيل...

تبريز يوللاريندا - ص 24.

معناسين بيلئيدين كاش مبتذلين!

ادب‌سيز اركان‌سيز اۆزۆمه دوردون،

پول ايله آلدينمي اونون بدلين؟

آتيليب دۆشدۆلر سندن قاباق چوخ،

سايماديم هئچ، آنجاق گؤيلۆم بولاندي.

دؤزۆملۆ گۆنۆم وار هر گلن ظۆلمه،

دئسه‌لر سارسيلديم، بيل كي يالاندي.

آنا تبريز! بوگۆن، بۆتۆن اؤلكه‌ده،

«‌‌اوستادِ نمونه»‌ سئچديلر مني.

سنين هانسي اوغلون «‌‌نمونه»‌ دگيل؟

قوي اؤيۆم بير بئله شانلي وطني.

اؤلچدۆلر، بيچديلر، سئچديلر، امّا،

«‌‌باش رئيس»‌، سئچيمي تصديق ائتمه‌دي!

اونون تؤره‌تديگي كيچيك ماجرا،

اولايا چئوريلدي، چوخ تئز بيتمه‌دي.

قويماييرلار بوردا چيخيش ائده م من،

گؤرۆرسن هر ايكي گؤزۆنله تبريز.

دئييرلر «‌‌مصلحت دگيل، دانيشما،

ائوميزي ييخارسان سؤزۆنله!»‌، تبريز.

علسگر، دئييرلر امر وئرميشدي،

چيخيشيمي منيم لغو ائيله‌سينلر.

سالون ايچره منه يول‌دا وئرمه‌ييب،

خلقه «‌‌خسته لنيب اوستاد!»‌ دئسينلر.

يئنه دروازاندا نه هاي دۆشۆبدۆر؟

دئييرلر شهيدلر كرواني گلير

كرواني قاباغا، ايچه‌ريه سۆر.

نه دن ترپنميرسن نييه دينميرسن؟

دؤزۆمۆن قلبيمين باشين دليبدير.

بيلميرديم بو گئجه آچيق سۆفره‌نه،

بير پلاك، بير آووج سۆمۆك گليبدير.

عشقين معناسيني بيليرسن البت،

عاشيقلر بئجرديب يولا ساليبسان.

دۆزگۆن سحر كروان آردينجا گلر،

گئجه ساووشا، تك سانما قاليبسان.

تبريز يوللاريندا - ص 198 - 1372 - تبريز.

ظالملر قصرينه ولوله سالان.

شاهلارين شمشيرين اليندن آلان،

دالينجا گليره‌م يا رَسُول الله!

فصاحت اؤلكه‌سي سنله فخر ائدير،

ملاحت لشكري آردينجا گئدير.

خلقتده پارتلاييش بيلميرم نه دير،

دالينجا گليره‌م يا رَسُول الله!

بوردا، قوم شهرينده بير مزارليق وار،

اونا خلق ايچينده دئييلير: «‌‌شئيخان!»‌

بو قانلي مزارليق يۆز ايل اولار كي،

قوينوندا ساخلايير بير اولو انسان.

خلخالي اورموي، سيد محمد،

اورميادان بورا معراجا گلميش.

اونون كسيك باشي، كسيك قوللاري،

يۆز ايل بوندان قاباق يوردا يۆكسلميش.

مين اۆچ يۆز اوتوز بئش هيجري ايلينده.

ارمني قودوردو، داشناك قودوردو،

اورمودا اوينادي بئرنو الينده.

جمعه گۆنۆ آخشام، گۆن باتان چاغي،

اورمودا گزيردي روس سالداتلاري.

شهره گتيرديلر نفت ناسوسلاري،

اودا چكه‌جك ميش داشناك، بازاري.

انسان دئمم سنه،

حيوان دا چوخ شرفلي‌دي سندن هامي دئيير،

من‌ده اينانميشام.

تاريخ بويو سني تانييا بيلمه‌ييب، آزيب،

غفلتده يانميشام.

دينين كي يوخ،

شرفين، ناموسون دا يوخ.

جنگل‌ده اولسادا،

حيوانليغين، مئشه‌نين قانونو، آمان،

اودا هئچ يوخدو سنده، واي!

انسان دئمك چتين،

سنه،

حيوان دئمك چتين!

اؤزۆنه آد نه قويموسان،

هاي، ائرمني؟

آ، هاي!

1374 – تهران.

منه تبريزلي دئييرلر‌‌‌، البت‌!

اردبيل شهري ده عرفان يوردوم‌‌‌،

معبديم‌‌‌، قيبله‌گاهيم‌‌‌، جانيمدير‌‌‌،

نه تفاوت ائده‌‌‌جكدير من اۆچۆن‌؟

وطنيم‌‌‌، آذربايجانيمدير‌!

يادا اويما‌‌‌، سنه يانماز اۆره‌گي،

سني تحقير ائله‌ييب آلچالدار‌‌‌.

تبريزين تاريخينه خور باخميش‌‌‌،

قاييديب باشيوا چيرپار قاپازي‌‌‌.

اونون اؤز خاصيتين من بيليره‌م‌‌‌،

اۆستۆوه دؤنده‌رجكدير آرازي‌‌‌.

يولونو اگمه گؤزه‌ل تبريزدن،

گۆن به گۆن پارلاگيلن گؤيلرده.

قلبيمين مدفني‌سن‌‌‌، بيدار اول‌!

سنده تبريزدي دمادم دؤيۆنۆر‌‌‌.

ياد سنه‌‌‌، اردبيله فخر ائتمز‌‌‌،

سنيله آذربايجان اؤيۆنۆر‌‌‌.

اردبيللوحه‌لري - 1377 - ص 10.

گليشيني نئجه گؤزله‌ييرم من.

بولودلار آخيرلار ماوي سمادا،

لطيف بير ياغيشي ايزله‌ييرم من.

ايللردير اۆزۆنه حسرت قالميشام،

ها قينايا يادلار اينان دؤنمرم.

قورخمارام شيمشكدن فيرتينالاردان،

من پارلاق گۆنشم، هئچ واخت سؤنمرم.

آتلانيب دالينجا هايغيراجاغام

اؤته‌جگم بۆتۆن دره‌ني - داغي.

سني قايتارارام اؤز وطنيوه

بو يوردو اودانماز هئچ زامان ياغي.

اوچغون داخما - 1344 - ص 64.

دۆشۆبسن گؤزلردن ازل كندلي قيز.

«‌‌او آنجاق لاييقدير ياپما ياپماغا،»‌

بودور سن اۆچۆن سؤز، گؤزه‌ل كندلي قيز!

ساتيشا قويمورلار بو كور بازاردا،

سنين بار - به‌هرين، سنين امگين.

بيلميرم بو پوزغون ويرانا باغدا،

گۆله‌جكمي هاچان ساري چيچگين؟

آناوين قوينوندا گول تك آچيلجاق،

آلنيندا يازيلير قارا يازيلار.

بوي آتديقجا آرتيق، گۆنۆن قارالير،

خزانا واريرسان گؤرمه‌ميش باهار.