بوتو - بوت‌پرستي ائيله‌ين يالان،
ظالملر قصرينه ولوله سالان.
شاهلارېن شمشيرين اليندن آلان،
دالېنجا گليره‌م يا رَسُول الله!
فصاحت اؤلكه‌سي سنله فخر ائدير،
ملاحت لشكري آردېنجا گئدير.
خلقتده پارتلايېش بيلميرم نه دير،
دالېنجا گليره‌م يا رَسُول الله!
بيليڲين سيرري‌سن، علمين شهري‌سن،
غئيبين اؤرتۆڲۆسن، شعرين نهري‌سن.
بشر معجزه‌سي، اعجاز بحري‌سن،
دالېنجا گليره‌م يا رَسُول الله!
گۆلۆشلر گۆللندي گؤزه‌ل اۆزۆنده،
حكمتلر قاينادې يئتگين سؤزۆنده.
اؤزتلندي خلقت سنين اؤزۆنده،
دالېنجا گليره‌م يا رَسُول الله!
مدحيه يازماقدان چكيندي دۆزگۆن،
سنه عاشېق اۏلوبدور ايندي دۆزگۆن.
تركينه دۆلدۆلۆن مينمكده دۆزگۆن،
دالېنجا گليره‌م يا رَسُول الله!
مدحيه يازماقدان چكيندي دۆزگۆن،
سنه عاشيق اۏلوبدور ايندي دۆزگۆن.
تركينه دۆلدۆلۆن مينمكده دۆزگۆن،
دالينجا گليره‌م يا رَسُول الله!
