قايانين ديييندن چشمه گۆلنده،
شلاله، ياماجي ايكي بؤلنده
گؤيلرده جانلانير منيم ترانه‌م
بوردادير آشيانه‌م
بوردادير خانه‌م.
سؤيۆدلر، سؤيۆدلر، آمان سؤيۆدلر،
گؤيلرين ايشيغين، نورون ايچيرسيز.
نه آغير ترپه‌نيب، آغير كئچيرسيز
يووا قورماغا سيز كيمي سئچيرسيز؟
ان گؤزل ترانه اوخوياجاغام
گۆلوشلردن يووا توخوياجاغام.
سؤكۆلجك‌دان يئري، گؤلجك‌دان يئري،
قارانقوشلار دسته- دسته گلديلر
سحرين شربتين ايچديگيم زامان!
قارلار سويا دؤنۆب، باهار گليبدير،
چيچكله‌نييب بۆتۆن ياشيل ياماجلار.
اوردا بير بولاق وار،
ايچميشم اوندان
او «آب حيات»دير
يوخ اونا پايان!
آغاران دان يئري داملاسي اونون!
دامير يايلاقلاردا گۆللر اۆستۆنه.
