|
(ورزقان مجموعه‌سيندن) - 1-
گؤز گۆيه
باخجاغين دانيشدي منلن،
دئدي:
«- باخ! آلنيوا قيريش دۆشۆبدۆر!
بونو ائشيتجه‌گين
قيريشلار چوخالدي،
توتولدوم،
دالغين، دالغين.
-2-
گۆزگۆنۆن سؤزۆنه بير آز دۆشۆنجك
عينيم آچيلدي، گۆلدۆم
«- بس نييه گۆلۆرسن؟»
سوروشدو گۆزگۆ.
«-هره‌سي بير جاده
بير يول عكسي دير!»
دئديم گۆزگۆيه:
نگران اولما،
يوللار تاپدالانيب
قيريشا دؤنمۆش!
راحت اله گلسئيدي بو سون قيريشلار
سنه عيان اولمازدي!»
|
