|
دانلود شعرخواني با صداي دكتر حسين محمدزاده صديق
|
|
|
بؤلوم : گرايليلار
|
|
يكي از كتاب‌هاي شعر دكتر حسين محمدزاده صديق كتاب «اردبيل لوحه‌لري» است. ايشان اشعار اين كتاب را با صداي خود خوانده‌اند. با صداي استاد، نواي تار همراهي مي‌كند. احساس، غيرت، صميميت و رقّت قلب ايشان را به راحتي مي‌توان در لحن و لرزش صدايشان حس كرد و با آن همنوا شد. آن چنان كه گاه بغضي سنگين گلوي شنونده‌ي را مي‌گيرد. در اين پست بخش اول صداي استاد را قرار مي‌دهم. ضمن تبريك به مناسبت فرا رسيدن عيد مبارك فطر اين اثر زيبا و شنيدني را به شما دوستداران استاد تقديم مي‌كنم.
آرديني اوخو
|
|
|
|
| |
|
سن زنگان‌سان - حسين دوزگونون شعرلري
|
|
|
بؤلوم : گرايليلار
|
|
ائليمين باشين اوجا توتان،
قرينه‌لر غمين اۆره‌گينه ساليب اوتان،
جبهه ياران شهيد‌لرين شهري سن،
اؤن خط قيران شهيد‌لرين شهري‌سن.
سن زنگان‌سان قلبيمه جان،
باشي اوجا آذربايجان دياريسان.
شهيد‌لري‌نين قارشيسيندا،
اوتانيرام من.
اوتاناجاق اوولاديم دا،
نوه‌لريم‌ده.
گلهجك نسيللرده،
آيلاردا،
ايللرده...
زنگان لوحه‌لري - ص 13 – 1377.
آرديني اوخو
|
|
|
|
| |
|
دورما دئدي! - حسين دوزگونون شعرلري
|
|
|
بؤلوم : گرايليلار
|
|
دئديم: سني سئويرم من،
كنديميزده قالما، دئدي.
دئديم: خوشدور بوگؤي چيمن،
بوردا اوبا سالما، دئدي.
دئديم: سيناقدان چيخارام،
دئدي: من‌ده وفادارام.
دئديم: شهره آپارارام،
اوندا مني آلما، دئدي.
دئديم: شهره اود باغلارام،
دئدي: داها من ديغلارام!
دئديم: سنسيز من آغلارام،
اۆره‌گيمي چالما، دئدي.
آرديني اوخو
|
|
|
|
| |
|
نشيده - حسين دوزگونون شعرلري
|
|
|
بؤلوم : گرايليلار
|
|
زنگان، ابهر، اي خيلقتين،
سئوينج دولو نشيدهسي!
ائللريمين محروم قالان،
نيسگيل ساچان جريده‌‌سي!
كيم دئيير تاريخين يوخدور؟
ذيروه‌‌سي سن تاريخلرين.
يئددي مين ايل مكان اولموش
باياتلارا هر بير يئرين.
حكمت قاني جاري ائده‌ن،
اۆره‌گي‌سن، سن ايرانين.
شاماتي، مصري سئير ائده‌ن،
گؤزۆسن آذربايجانين.
زنگان لوحه‌لري - ص 14 .
آرديني اوخو
|
|
|
|
| |
|
دۆزلر
|
|
|
بؤلوم : گرايليلار
|
|
مين ديل ايله كئچميشلردن،
اي وئره‌ن مين خبر، دۆزلر!
منه دئيين دۆنيا بويو،
نه‌لر گؤردۆز، نه‌لر دۆزلر؟
داي اۆره‌گيم اولوب شان – شان،
دۆنيا دؤنۆب، سانكي زندان.
دويموشام من ياشاييشدان،
حياتدا يوخ ثمر دۆزلر.
ظاليم قالير دۆز تاختيندا،
خلقين آچمير گۆل باختيندا.
حياتين ان خوش واختيندا،
بوردا اؤلۆر هنر دۆزلر.
قوجاغيزي آچين يارا،
گلن واردير باختي قارا.
اعتبار يوخ دۆنيالارا،
عؤمۆرده يوخ به‌هر دۆزلر.
اوچغون داخما - 12 / 2 / 43 - ص 49.
آرديني اوخو
|
|
|
|
| |
|
كندليلرين اوخومالاري
|
|
|
بؤلوم : گرايليلار
|
|
آي كندليلر توپلانين،
ماهني دئييب اوخوياق.
بير - بيريزه ساپلانين،
اوزون زنجير توخوياق.
هر آدديمدان بير سالاق،
بوينونا آغالارين.
آجي قيشا سون قوياق،
اۆزۆن گؤره‌ك باهارين!
كندلي‌ييك آي آقالار.
درتلي‌ييك آي آقالار!
يايدا قان - تر ايچه‌ريك.
سۆنبۆللري بيچه‌ريك.
آجليغيميزدان قيشدا،
شه‌هرلره كؤچه‌ريك!
توراغايي اوچاندا،
شاهلار شراب ايچنده.
هر ياندان قاوولاريق،
كنديميزدن كؤچنده!
بيز قيللي‌ييق تۆكلۆيۆك.
عؤمۆر بويو يۆكلۆيۆك.
هرنه دئديز اينانديق،
بيز قولاغي تۆكلۆيۆك!
مكتب آچيلير يئنگي،
فارس دئيه‌ك دينگي – دينگي.
بير كيمسه هئچ
سؤيله‌مير،
بگو بينم چي ميگي؟
قاپي‌‌ني ياغيش دؤيۆر،
اۆره‌گيميز دؤيۆنۆر.
بيز بوردا تيتره‌شيريك،
او اوردا اؤزۆن اؤيۆر!
سارايدا پولو سئلله،
تبيم وار مني يئلله.
دوقتورلار دئييرلر كي:
كندليدير، جانيم، وئلله!
آي قيز، گؤزلري آلا،
دور پينجه اودون قالا.
شاهي باسديراجاغام،
نالچي ياخشي باخ نالا!
چايلار چشمه‌لر دولار،
سۆنبۆلۆ اوراق يولار.
آزادليغا چيخاريق،
گۆمان كي بيرگۆن اولار!
باغدا چيچك اكه‌ريك،
ديبينه سو تؤكه‌ريك.
ظاليملرين گؤزۆنه،
اوخ تك آخر چؤكه‌ريك!
ياشيلليقدير مئشه‌ميز،
ايشله‌مكدير پئشه‌ميز.
بيچيله‌جك شاه كؤكۆ،
ايتيليري تئشه‌ميز!
كندلي‌ييك آي آقالار،
درتلي ييك آي آقالار!...
موللا قوران اوخويار،
كندلي خلي توخويار.
خلي‌ني آپارارلار،
سارايلارا سالارلار.
سارايدا اگله‌شرلر،
قيزيل شراب ايچرلر.
كندلي قاپيدان باخار،
مني يانديريب ياخار.
بارماغيني قالديرار،
قيرميز قاني دامجيلار.
دۆشر خلي اۆستۆنه،
آغ ناخيشدا ايز سالار.
گؤز ائله اوردا قالار.
گؤز باخماقدان قارالار
قان سارالار، سارالار...
كندلي‌ييك آي آقالار،
درتلي ييك آي آقالار...
مجموعه 1 - قيش 1346 – ص 58 .
آرديني اوخو
|
|
|
|
| |
|
ساري كؤينك
|
|
|
بؤلوم : گرايليلار
|
|
يان دۆشمۆشدۆ، آناسيندان،
بير بالاجا ساري كؤينك.
جهجهيندن دويولوردو.
باشينا بلا گلهجك.
بير شرارت كند اوشاغي،
اوتلاديردي قوزو – قويون.
شاپاند - قايا تاولاياراق.
چيخارديردي مينلر اويون.
كؤشنلري گزه – گزه،
گليب چاتدي او چمنه.
گؤردۆكي بير ساري كؤينك،
سس ساليبدي جهجه ايله.
قولاقلارين شاخلاياراق،
دينله‌دي او قوشون سسين.
سانكي دئيير سؤزلريني،
دالي وئردن اؤز نفسين.
سس آرديجا گزدي - گزدي،
توخدادي تا بالا قوشا.
بير ساپ چكيب شاپانديندان،
ووردو اونون قيچين داشا.
توپلادي بير باش قوزونو،
گۆنش داغدا اگيلنده.
ايپله قوشو ساللاياراق،
سۆرۆ ايله گلدي كنده.
اوشاق ائوده سئوينه‌ره‌ك،
آناسيندان غربيل آلدي.
ايچينه ده سپيب بوغدا،
آراسينا قوشو سالدي.
غربيل ايچره، بوغدا اۆزره،
بير قاب دورو سودا قويدو.
بير شه‌ده‌ره قاپاق ائديب،
دؤوره‌‌سيني ايپله هؤردۆ.
گئجه بويو ساري كؤينك،
ياتمادان سس - صدا سالدي.
سحر اونو دولو گؤرۆب،
اوشاق درين فيكره دالدي ...
كيچيك شعرلر - ص
85 - 26 / 2 / 46 - مهرام كندي . دكتر حسين محمدزاده صديقين (دوزگون) - ايكينجي شعر وبلاگينه باخين
آرديني اوخو
|
|
|
|
| |
|
آرخ
|
|
|
بؤلوم : گرايليلار
|
|
داغ دؤشۆندن آچيلان آرخ،
تا هاراجاق گئده‌‌‌جكسن؟
بيلير سنمي نه واخت، نئجه،
هارادا سن ايته‌‌‌جكسن؟
هئچ خبرين وارمي سوندان؟
آشناسانمي گله‌جكله؟
يارا - يارا يوسما يئري،
اوغرانيرسان هارا بئله؟
بيليرسنمي چيخاجاقدير،
قاباغينا يول كسنلر؟
شوش قايالار بويلاناجاق؟
زور ائدهجك سنه نه‌لر؟
بئله يئنيش يئنمكده، سن،
مقصديوي تانيرسانمي؟
آخيشلاري اويا – اويا،
باغيريرسان دلي – دلي!
كيچيك
شعرلر - ص 84 . دكتر حسين محمدزاده صديقين (دوزگون) - ايكينجي شعر وبلاگينه باخين
آرديني اوخو
|
|
|
|
| |
|
كلام
|
|
|
بؤلوم : گرايليلار
|
|
گؤزۆ آلا شاملو قيزي،
سينه‌نده ناري ايسته‌رم.
گله‌جگي يئتيرمگه،
سنين تك ياري ايسته‌رم.
اؤز ائليمه جان دئميشم،
دۆشمنه قان-قان دئميشم.
سئوگيليمه يان دئميشم،
يارِ بيداري ايسته‌رم.
گؤزه‌ل سني من آتمارام،
يانيندان هئچده گئتمرم.
حله - حله من اؤتمرم،
«بنده سواري» ايسته‌رم.
منيم اۆره‌گيم بيداردير،
سنيندير هرنه كي واردير.
اوّليم آخيريم ياردير،
كؤمگي، ياري ايسته‌رم.
منيم تك اشعار يازاني،
حق يولو، شرطي ميزاني.
اؤز ايچيميزه گزه‌ني،
گؤزه‌ل دلداري ايسته‌رم.
تات دگيلم من اگيلم،
دۆزگۆنۆم وار، آج دگيلم.
كيمسه‌يه محتاج دگيلم،
صاحب ديداري ايسته‌رم.
كيچيك
شعرلر - ص 52 . 1348 دكتر حسين محمدزاده صديقين (دوزگون) - ايكينجي شعر وبلاگينه باخين
آرديني اوخو
|
|
|
|
| |
|
مني هارا آتيرسان سن؟
|
|
|
بؤلوم : گرايليلار
|
|
شاعير دوستوم، دايان حله،
اليم بيلمير يورولماغي.
مني دينله، مني دينله،
بيليرسن كي اؤزۆن بئله.
چوخ آجيدير بير شاعيرين،
تك اولماغي، تك اولماغي...
داغ دؤشۆنۆن بولاغي تك،
من گؤزلردن آتيلميشام.
سانيلمايير بوردا امك.
آياق اۆسته دورام گره‌ك.
ايللردير دۆشمن اوخونا،
دوتولموشام، دوتولموشام...
منيم شعريم، منيم سؤزۆم،
ائللريمه چاتماييبدير.
انتظاردا سوسوب گؤزۆم،
قاراليبدير هر گۆندۆزۆم.
ياد ائللي‌نين يالاني دا،
اۆره‌گيمه ياتماييبدير...
اؤز يوردومدا، اؤز اوبامدا،
غريب گزيب دانيلميشام.
قلميمدن كاغيذلارا،
ياش تؤكمۆشم داملا - داملا.
بودور نرون، بودور فرعون -
آتشينده يانيلميشام.
عشقي مقدّس شاعيرم،
سينه‌مده وار قيزيل اۆره‌ك.
بورا منه اولوب وطن،
مني هارا آتيرسان سن؟
نئجه يوموم من گؤزۆمۆ؟
بير دۆنيا وار بوردا ديلك...
كؤنلۆم ائوي اولوب برباد،
قولاق وئرين سيز آ دوستلار:
حددن آشيب ظۆلم و بيداد.
يئرسيز من چكميرم فرياد.
ائل نيسگيلي بير شاعيري،
بيليرسيز نه
حالا سالار؟...
كيچيك شعرلر - ص
47 . دكتر حسين محمدزاده صديقين (دوزگون) - ايكينجي شعر وبلاگينه باخين
آرديني اوخو
|
|
|
|
| |
|
ساري بۆلبۆل
|
|
|
بؤلوم : گرايليلار
|
|
غملر سني جانا گتدي،
رنگين اولدو ساري بۆلبۆل.
قلبين ظاليم قيش آولادي،
گل آغلاما باري بۆلبۆل.
كؤكسۆنده اودلاندي اۆره‌ك،
گۆلۆنج اولور بوردا ايسته‌ك.
هاني كئچميش زامانلار تك -
باخچالارين باري بۆلبۆل.
نييه سئچدين سن ظۆلمتي،
قبول ائيله‌دين ذلّتي؟
بيلميردين بو حقيقتي،
قيشين اولماز عاري بۆلبۆل؟
قارا بولود يان گئده‌‌‌جك،
قهرمانلار قان ائدهجك.
گۆن داغدان قالخيب گلهجك.
اريده‌‌‌جك قاري بۆلبۆل.
عاشيق ترپه‌دجك سازي،
قالديراجاق خوش آوازي.
گؤره‌‌‌جكسن يايي – يازي،
اؤيه‌‌‌جكسن ياري بۆلبۆل.
بيليرم آخر ياز گلر،
گۆنش يئره نور سرپَلر.
يئنه گۆللر عشوه ائيلر،
ائيلمه چوخ زاري بۆلبۆل.
گيرريك قيزيل گۆل باغينا،
بنفشه‌لر اويلاغينا.
يئتر يارين قولاغينا،
سن سيزيلدات تاري بۆلبۆل.
دۆزگۆن دئيير دؤنه‌‌‌جك ايل،
ياناغيندان قان - ياشي سيل.
سازي گؤتۆر آچ گيلن ديل،
اوخو اوخو ساري بۆلبۆل.
كيچيك
شعرلر - 12 / 11 / 46 هريس - ص 31 . دكتر حسين محمدزاده صديقين (دوزگون) - ايكينجي شعر وبلاگينه باخين
آرديني اوخو
|
|
|
|
| |
|
آنا وطن، آنا وطن!
|
|
|
بؤلوم : گرايليلار
|
|
قهرمانلار ديريله‌جك،
اؤنۆنده ياد اگيله‌جك،
اوغوللارين سئويله‌جك،
شن گلهجك، تئز گلهجك،
آنا وطن، آنا وطن!
عطيرليدير قوينون سنين،
گۆلـله‌نجك دره‌لرين!
گئده‌‌‌جكدير دردين - غمين،
ديلكلريم آچار چيچك،
آنا وطن، آنا وطن!
ياد باغيرير يالان - يالان،
منه دئيير: بيزه اينان!
ائتمير بونو اصلا گۆمان،
سندن اولماز هئچ ال چكمك،
آنا وطن، آنا وطن!
بولاقلارين سرين سنين،
چشمه‌لرين درين سنين،
اوجا ذيروه يئرين سنين،
ان گؤزه‌لسن، بونو بيلك،
آنا وطن، آنا وطن!
سن منيم‌سن، منيمكي‌سن،
سن بير ايدين، بس ايكي‌سن؟
اۆره‌گيمده سن، تكي سن،
يئر دوتوبسان، بئله گره‌ك!
آنا وطن، آنا وطن!
گؤزه‌لليكده بير دنه‌سن،
منجه، دۆنيا تكي سنسن.
آنجاق سنه باغلييام من،
صرف ائتميشم بوردا أمك،
آنا وطن، آنا وطن!
داغلاريندا گۆل آچاجاق،
قيزيل گۆنش نور ساچاجاق.
ايشيغيندان قورد قاچاجاق،
او گۆنه گل كؤنۆل وئره‌ك،
آنا وطن، آنا وطن!
قان رنگينده بايراغين وار،
دۆنيالارجا نؤوراغين وار،
ياز نفسلي مين داغين وار،
من قويموشام بوردا اۆره‌ك،
آنا وطن، آنا وطن!
كيچيك
شعرلر - ص 6 . دكتر حسين محمدزاده صديقين (دوزگون) - ايكينجي شعر وبلاگينه باخين
آرديني اوخو
|
|
|
|
| |
|
بيللور لاله
|
|
|
بؤلوم : گرايليلار
|
|
اسكي بيللور لاله‌‌سيني،
هر گۆن سحر - سحر سيلر.
توزون آلار، پاريلدادار،
دوروب بير آنليق سئير ائده‌ر.
تيكر يورغون گؤزلريني،
سانكي دالار كئچميشلره.
آغ بيرچكلي قادين آنام،
هئچ باخيشين سرمز يئره.
باشي اوجا، گؤزۆ ديري،
لاله‌سينه باخار، باخار.
باخيشي‌‌نين وسعتينه،
يولدان گلر گۆللۆ باهار.
گؤزلري‌نين شعاع‌سيندا،
دؤزۆملردن نشانه وار.
دوغرولوقدان، دۆزگۆنلۆكدن،
صداقتدن ترانه وار.
آذربايجان ائللري‌نين،
آناسيدير منيم آنام.
قلبدن قوپان شعرلريمين،
آيناسيدير منيم آنام.
قلبينده ذره‌جه توز يوخ،
تميز بيللور لاله‌‌سي تك.
صافدير، تميزدير، آري دير،
كؤكسۆنده آليشان اۆره‌ك.
زنگان
لوحه‌لري - ص 71 - 11 / 3 / 77 .
آرديني اوخو
|
|
|
|
| |
|
من سيد احسان، «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغام. اوميد ائديريم لذت آپاراسيز.
يوخاريداكي عكس، شاعر حسين دوزگونون ان يئني عكسيدير (1391).
|
|
|
|
سایغاج |
|
ایندی بلاق دا :
بو گونون گؤروشو :
دونه نین گؤروشو :
بو آیین گؤروشو :
بوتون گؤروش لر :
یازی لار :
باخیش لار :
یئنیله مه چاغی :
|
|
