ائل نيسگيلي- EL NİSGİLİ

دكتر حسين محمدزاده صديق (دوزگون)ون توركجه شعرلريني و ادبي يازيلاريني درج ائده‌جه‌ييك.

سسيم قاشقايي

بؤلوم : قاشقايي لوحه‌لري

نفَسيم‌‌‌، هوسيم‌‌‌، سسيم قاشقايي‌‌‌،

اوبام‌‌‌، ائليم‌‌‌، كيمسه‌م، كسيم قاشقايي‌‌‌.

بايراغين چيگنيمدن قويمارام يئره‌‌‌،

قويما ياد اؤنونده اسيم قاشقايي‌‌‌.

دومانلي داغلارين آرديندا قالديم‌‌‌،

داديما يئت‌‌‌، فرياد رسيم‌‌‌، قاشقايي‌!

باشقالاريندان داي محبت اوممام‌‌‌،

سنين محبّتين بسيم‌‌‌، قاشقايي‌!

دوزگون دئيير: «منيم سسيمه سس وئر،

نفسيم‌‌‌، هوسيم‌‌‌، سسيم قاشقايي‌!»

قاشقايي لوحه‌لري - ص  9 – 1379.


یازار : سيد احسان چهارشنبه 11 مرداد 1391 | باخیش لار (3)

قاشقايي برهان اولارميش

بؤلوم : قاشقايي لوحه‌لري

هر گدا سلطان اولارميش باللهي‌‌‌،

داملادا عمّان اولارميش باللهي‌!

هر چتينليك‌‌‌، غيرت ملّي ايله،

انسانا آسان اولارميش باللهي‌‌‌.

آتچييا هر تنگه‌‌‌، هر دؤنگه - بوروق‌‌‌،

بير بؤيوك ميدان اولارميش‌‌‌، باللهي‌!

يار ايله دوسدوغرو [1] ديدار ائده‌نين‌‌‌،

كؤنگولو تابان اولارميش‌‌‌، باللهي‌!

صدقه قاشقايي ائوينده قلبي‌نين،

سؤنمه‌ين نئيران اولارميش باللهي‌‌‌.

دينله كيم دوزگون دئير: «د‌وز عشقيمه،

قاشقايي برهان اولارميش‌‌‌، بالهي‌!»‌‌‌.

قاشقايي لوحه‌لري - ص  33 - 1377.



[1]  دوسدوغرو: مستقيم‌‌‌، واسطه‌سيز‌‌‌، صادقانه‌‌‌.


یازار : سيد احسان چهارشنبه 11 مرداد 1391 | باخیش لار (0)

قاشقايي اولدوزو

بؤلوم : قاشقايي لوحه‌لري

من سنه وورولاندان، بيرجه سنله من يارام‌‌‌،

سندن اؤزگه‌دن دلبر‌‌‌، هر نه وارسا‌‌‌، بيزارام‌!

«- دان يئرينده قاشقايي، اولدوزو» دئيه‌‌‌، گلديم‌‌‌،

آردينا دوشن وقتدن نه ياتيب، نه بيدارام‌‌‌.

گر تغافل ائتسن‌‌‌، من ماسوا تكين محوه‌م‌‌‌،

بيرجه اعتنا قيلسان‌‌‌، هر نه كي دئسن وارام‌‌‌.

گونده يوز كره اؤلسن‌‌‌، گونده يوز كره دورسان‌‌‌،

بلكه اوندا آنلارسان من درين بير اسرارام‌‌‌.

دورگيلن‌‌‌، عاغيل قويما من تكي دلي توركه‌‌‌،

تاجيك اولما‌‌‌، تات اولما‌‌‌، من دويوب دانيشمارام‌‌‌.

سانما يوردونو وئرره‌م يادلارا ديار اولسون‌‌‌،

سنده بيرجه دار اولسا‌‌‌، من او دارا ديّارام‌‌‌.

سورسالار ‌‌نه‌دن دوزگون عُمر سورمه‌يير آزاد‌‌‌،

سؤيله: «- سئوديگيم يارين عشقينه گرفتارام‌‌‌.»

قاشقايي لوحه‌لري - ص  28 - 1377.


یازار : سيد احسان چهارشنبه 11 مرداد 1391 | باخیش لار (0)

قاشقايي باياتيلاري

بؤلوم : قاشقايي لوحه‌لري

گؤزه‌ل آلار قاشقايي،

گؤزدن سالار قاشقايي.

دوراني سِير ائدينجه،

فكره دالار قاشقايي.

 

گؤزه‌ل سوزه‌ر قاشقايي،

گؤنگلوم اوزه‌ر قاشقايي.

حسرتلي گؤز ياشلارين،

شعره دوزه‌ر قاشقايي.

 

داغدان ائنمز قاشقايي‌‌‌،

بئلي سينمز قاشقايي‌‌‌.

غريبليگي‌‌‌، حسرتي‌‌‌،

اودار‌‌‌، دينمز قاشقايي‌‌‌.

 

داغدان باخار قاشقايي‌‌‌،

جانيم ياخار قاشقايي‌‌‌،

وقتي گلسه‌‌‌، يازچاغي‌‌‌،

سئل تك آخار قاشقايي‌‌‌.

قاشقايي لوحه‌لري - ص  15.


یازار : سيد احسان چهارشنبه 11 مرداد 1391 | باخیش لار (1)

منيم اسلام دينيم

بؤلوم : قاشقايي لوحه‌لري

 قاشقايي واردير

مادام كي توركجه‌‌سي واردير‌‌‌.

توركجه‌‌سي ياشايار

قاشقايي ياشايانا كيمي‌‌‌.

توركجه ائليندير‌‌‌،

ائل‌ده توركجه‌نين‌‌‌.

بيري - بيريندن آيريلماز گول - بولبول كيمي‌‌‌،

بودا بير ديلدير مينلر ديل كيمي‌‌‌.

ائله ياشاماق حقّي وئرميش‌‌‌،

ائل‌ده اونو ياشاتميش‌‌‌.

 

قاشقايي ايله بيرليكده ديلي وار‌‌‌،

ديلي ايله بيرليكده بير وطني وار

ايران آدلي‌‌‌.

بودا بير وطندير مينلر وطن كيمي‌‌‌.

ائل‌‌سيز وطن‌‌‌،

وطن‌‌سيزده ائل‌‌‌،

معناسيز اولار‌‌‌.

چونكو وطن

ائله ياشاماق حقّي وئرميش‌‌‌،

ائل‌ده اونو ياشاتميش‌‌‌.

 

ائل ايله بيرليكده توركجه‌‌سي وار،

توركجه ايله بيرليكده بير وطن وار.

وطن ايله بيرليكده بير اولوس[1] وار،

اوزون اوزادي بير اولوس.

دُنيانين هاراسيندان باشلار هاراسينا قده‌ر،

آلتايلاردان قيبچاقلارا قده‌ر

بير اولوس كي،

ائله ياشاماق حقّي وئرميش‌‌‌،

ائل‌ده اونو ياشاتميش‌‌‌.

 

ائل ايله بيرليكده بير اولوس وار‌‌‌،

اولوس ايله بيرليكده بيرده ديني وار

بير ميليارد انسانين كؤنولونو الان دين‌‌‌،

ائلين‌‌‌، توركجه‌نين‌‌‌، وطنين‌‌‌، اولوسون ديني‌‌‌.

ائله ياشاماق حقّي وئره‌ن

ديليمي‌، ائليمي‌‌‌، وطنيمي‌‌‌، اولوسومو‌‌‌، سئومگي اؤيردن دين

كؤتوگومو‌‌‌، كؤكومو‌‌‌، ريشه‌مي سئوديرن دين‌‌‌.

مدينه‌دن‌‌‌، مكّه دن‌‌‌، كربلادان گلن دين‌‌‌.

بو منيم كؤكومدور‌‌‌، كؤتوگومدور‌‌‌.

ديليمدير‌‌‌، وطنيمدير‌‌‌.

ائليمدير‌‌‌، اولوسومدور‌‌‌.

كئچميشيمدن گلن سسدير

گله‌جگيمه وئرديگيم نفسدير‌‌‌.

سس‌‌سيز‌‌‌، نفس‌‌سيز اولماميش دينيم،

منيم اسلام دينيم‌‌‌.

قاشقايي لوحه‌لري - ص  37 – 1380.



یازار : سيد احسان چهارشنبه 11 مرداد 1391 | باخیش لار (0)

من سيد احسان، «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغام. اوميد ائديريم لذت آپاراسيز.
يوخاريداكي عكس، شاعر حسين دوزگونون ان يئني عكسيدير (1391).

آنا یارپاق

آرشیو

وبلاگ دوم اشعار استاد دكتر صديق

ایلگی

آختاریش

بؤلوم لر

گرايليلار (37)

سربست شعرلر (23)

خزه للر (42)

قوشمالار (103)

غزللر (24)

منظومه لر (14)

مثنويلر (5)

قوشا بئيتلر (6)

ديوانيلر (9)

قطعه لر (8)

دوزگونه خطاب شعرلر (25)

نظرلر و مقاله لر (13)

«احسان»ين تضمينلري (5)

«احسان»ين اوستادا خطاب شعرلري (9)

قاشقايي لوحه‌لري (5)

ترجيع‌بند (1)

بئشليكلر (3)

Hüseyin Düzgün şiirleri (23)

حبيب ساهر ايله علاقه‌دار شعرلر (4)

گالري تصاوير و عكسها (2)

دوققوزلوقلار (1)

ورزقان مجموعه‌سي (13)

كيتابلار (2)

یولداش لار

işıqlara doğru qaranlığlardan keç

Insanliq

وحشي نيسگيل لر

Damjiliqla-an

Serçə2012

اردبيل لوحه لري Ərdəbil Lövhələri

سولدوزلو

خوي هاراي: شعر و داستان تركي

çevirmən

ايران ترك: نام آوران جهان ترك

بئيزيم ائيلين گوزه ل دئيلي

سون یازیلار

«تورپاق قوخوسو» نشر اولدو

نشر كتاب «ايلك سفر» حبيب ساهر با ترجمه منظوم حسين دوزگون

مجموعه شعر «ورزقان» انتشار يافت

كيمي وار؟ - حسين دوزگونون شعرلري

قورخما - حسين دوزگونون شعرلري

هشيار اول- حسين دوزگونون شعرلري

آشناسيز- حسين دوزگونون شعرلري

آمان اركيم سؤكۆلۆر

اوغول - حسين دوزگونون شعرلري

باتي ايتي- حسين دوزگونون شعرلري

هيمّت - حسين دوزگونون شعرلري

پيغمبر نعتي

دۆنن، بوگۆن، صاباح

قيرميزي گۆل

وباللي آتيم

سحر ترانه‌لري

قو قوشو

گؤلچه

ائل قيزي

آذربايجانلي شهيد

ساكينله‌شيرم

يالواريش

يالنيز مني!

آلنيمين قيريشلاري

فاصله

شعرين قارتالي - دكتر حسين محمدزاده صديقين شعرلري

دئييرم - حسين دوزگونون شعرلري

قويما گئتسين زنگاني - حسين دوزگونون شعرلري

منيم اسلام دينيم - حسين دوزگونون شعرلري

خيال پيلوو - حسين دوزگونون شعرلري

آرشيو

تير 1393

خرداد 1393

بهمن 1392

آذر 1392

مرداد 1392

تير 1392

خرداد 1392

اسفند 1391

بهمن 1391

دى 1391

آذر 1391

آبان 1391

مهر 1391

شهريور 1391

مرداد 1391

باغلانتی لار

دوستداران دكترح.م. صديق

ائلدار تبريزلي

يوردوموز

آجيان يارا

انجمن شاعران هشتجين

خانه شاعران تبريز

توركجه شعرلر

سئوگي دونياسي

تبريزيم

سايت اجتماعي كاغذكنان

شاعران اهر

آذيورد

كولتورل آذربايجان

دوشرگه

ايشيق (ادبيات و اينجه صنعت سايتي)

دوشونجه

www.duzgun.ir

خانه شعر تركي

وبلاگ دوم اشعار حسين دوزگون

ائل نيسگيلي 2

دالغا

ليلا ابراهيمي

انسانليق

سایغاج

ایندی بلاق دا :
بو گونون گؤروشو :
دونه نین گؤروشو :
بو آیین گؤروشو :
بوتون گؤروش لر :
یازی لار :
باخیش لار :
یئنیله مه چاغی :

ایمکان لار

RSS 2.0