«قيزيل سويا» وئلله‌ييبدير،

- بورا اولسون وطن‌‌‌.»

دئييب‌‌‌.

اؤز گۆمۆشۆ تئللريله

ياي واختيندا يئلله‌ييبدير،

اۆره‌گيمي ساكيت ائديب.

قيزمار اودلو بئشيكيمده لايلا دئييب نغمه قوشوب،

آليب مني قوجاغينا دنيز كيمي داشيب جوشوب‌‌‌.

من آنامين آغير آغير

گۆنلريني قارالتميشام،

گؤزله‌ديگي قوچ اولموشام‌‌‌.

آغ باش آنا! اولما فاغير،

يوردوم اۆچۆن جان آتميشام،

سانما حله يورولموشام.

من يئنيدن قايتارارام سنين باهار باشلاريني‌‌‌،

قويمارام كي دۆگۆن وورسون بيرده چاتما قاشلاريني‌‌‌.

قيرميز رنگله ازل گۆندن

قيريلمايان اۆلفتيم وار‌‌‌.

اودور ايندي اودلو گۆنم.

دانيشمايين محبتدن،

نامرد يادا نفرتيم وار.

حاقلييام كي من اؤيۆنم!

اللريمده گؤيه قالخان خيردا- خيردا بو مشعللر

امپرياليزمين باغرينا سؤكه- سؤكه ائده‌ر سفر.

دئينه يادا آگاه اولسون،

اۆره‌گيمدن قالخان آتش

آغجا كۆله دؤنميه‌‌‌جك‌‌‌.

قولاغينا دئينه آلسين،

بوردا اولان پارلاق گۆنش،

سؤنميه‌‌‌جك، سؤنميه‌‌‌جك‌‌‌.

دونون ييغيب گئده‌‌‌جكدير اود يوردوندان چيركين ظۆلمت،

ائللر اونا بسليه‌‌‌جك هميشه‌ليك درين نفرت‌‌‌.

زنگان لوحه‌لري - 15 خرداد 47 - ص  49 .