|
خيال اهليله ياريم اگليشب دورما و حال ائتمه،
سنه بير حال وئرمزلر، محال امري خيال ائتمه.
بيزي تۆركي ديليندن منع ائده‌ن ناكس حسود دون،
دئيير يعني كي جاهيل قال، هم كسب كمال ائتمه.
اؤزۆن خيردالايان نامرد قورخور پاك روييمدن،
منه ايهام ايله سؤيلۆر: داداش، عرض جمال ائتمه!
ساقين كيم او محيلانه تله قورماقدادير دلبر،
بيزه گر «كوچكم» سؤيلرسه ده دوغرو خيال ائتمه.
سنه اجداد پاكيندان قالان ميراثي حفظ ائيله،
آماندير، گل آياق آلتينا سالما، پايمال ائتمه.
ياشانماز خصم يۆز چهره، آلانماز يوردونو دۆزگۆن،
ائلين بيداردير، قورخما، بئله فكر محال ائتمه.
يورد غزللري - ص 57.
|
