|
آي ائللر، آي اوبالار!
دئييم اولو‌ن سيز خبردار،
آنا تبريزيمده‌كي
اوجالان اركيم
آغلايير، ياش تؤكۆر،
هاوار، هاوار،
يوخدور قرار!
لحظه - لحظه باشيندان
يئني - يئني داش-كرپيچلر
خارهاخار تؤكۆلۆر
آمان! اركيم سؤكۆلۆر!
زامانلار اولوردورسا
گؤرمۆش ايدي بو قوجا دۆنيا
همده سمادا چيخان،
قطعه‌لردن قطعه‌لره،
آشيب واران.
آي اولدوز،
اودلار اؤلكه‌‌سيندن چاخان
شعالي سؤنمز گۆنش...
هم قالخيردي گؤگه آتش!
شانلي وارلي جلاللي
شنليك ايچره غرق اولموش
اركيمين دؤرد دوره‌‌سيندن،
ايندي شاهيديرلر همن
نورلو ذروه صاحبي-
اولان اركين زاوالينا.
ييغماييرلار داي ييغوا
ايندي عاشيقلار بورادا
آخماييرلار گؤزه‌للر
اونون شُعايه غرق اولموش
افسانه‌وي اونودولماز
گؤزه‌ل قصيرلرينده.
چالماييرلار عاشيقلار ساز،
قوپمايير داي بۆلبۆلۆن
بوغازيندان اصلا آواز.
آمان! آمان! قوردو دوت،
آغير ظلمت آغير سكوت،
بورويوبدور ارك يوردون
باخما بئله مبهوت - مبهوت
دايانما، قالخ! آخير خون!
كيچيك
شعرلر - ص 26 – 1345.
|
