|
قورخما - حسين دوزگونون شعرلري
|
|
|
بؤلوم : غزللر
|
|
خيال اهليله ياريم اگليشب دورما و حال ائتمه، سنه بير حال وئرمزلر، محال امري خيال ائتمه. بيزي تۆركي ديليندن منع ائده‌ن ناكس حسود دون، دئيير يعني كي جاهيل قال، هم كسب كمال ائتمه. اؤزۆن خيردالايان نامرد قورخور پاك روييمدن، منه ايهام ايله سؤيلۆر: داداش، عرض جمال ائتمه!
آرديني اوخو
|
|
|
|
| |
|
هشيار اول- حسين دوزگونون شعرلري
|
|
|
بؤلوم : غزللر
|
|
يار هجرينده، گؤزۆم آغلا گيلن خونبار اول، يئري وار، دۆش دؤشگه، خسته ييخيل، بيمار اول. دۆشمني يانسيلايان ناموسون الدن وئره‌جك، هئچ فضيلت يوخودور او دني‌نين، بيدار اول. قصدي سيلمكدي سنين اسميني تاريخلردن، هركس آلدانديسادا، سن آييق اول، هشيار اول. سنه ميراث قالان صيدقي كنارا آتما، دوست ايله دوستلوق ائله، دۆشمن‌دن بيزار اول.
آرديني اوخو
|
|
|
|
| |
|
آشناسيز- حسين دوزگونون شعرلري
|
|
|
بؤلوم : غزللر
|
|
بيز سنين چشمينده دلداريم بهاسيز اولموشوق،
ائوميزي سن ترك ائده‌ندن آشناسيز اولموشوق.
بو رياكارانلا هم‌صحبت اولاندان، اي صنم!
صيدق ترك ائتميش بيزي، بالله صفاسيز اولموشوق.
غيرت ملّيتي دانميش، عجم‌لشميش كيمي،
وه نه ناموس‌سوز، حميّت‌سيز، حياسيز اولموشوق.
آرديني اوخو
|
|
|
|
| |
|
شيدا اولار - حسين دوزگونون شعرلري
|
|
|
بؤلوم : غزللر
|
|
سيرريني آچسام، كؤنۆل رۆسوا- اولار،
دۆنيادا هاي قاوزانار، غوغا اولار.
سن اگر ترك ائيله‌سن كؤنلۆم ائوين،
صاحب دۆنيا اولا، تنها اولار.
واحد و يكتا يارانميشدير ياريم،
دۆنيادا كيم ياريما همتا اولار؟
گر يارانميشلا يارادان بير اولا،
سؤيله كيم هاردا بئله سئودا اولار؟
آرديني اوخو
|
|
|
|
| |
|
ناخلف - حسين دوزگونون شعرلري
|
|
|
بؤلوم : غزللر
|
|
استاد دكتر صديق اين شعر را بعد از وفات استاد حبيب ساهر سروده‌اند و در آن از جفاهايي كه به حبيب ساهر شد، گفته‌اند. لازم به ذكر است كه دكتر صديق در اين شعر يكي از فرزندان حبيب ساهر را ناخلف ذكر كرده‌اند كه نقش اساسي در پنهان كردن اشعار چاپ نشده‌ي حبيب ساهر تا زمان حال داشته است. به همين دليل نام اين غزل، فرزند ناخلف است. شناختنامه حبيب ساهر بر اساس پژوهشهاي دكتر صديق در لينك زير قابل مشاهده است: http://habibsahir.blogfa.com/ گزديم ديار- ديار، نه‌دن ياري گؤرمه‌ديم؟
مۆلكۆنده جدّديمين نه‌ده ديّاري گؤرمه‌ديم!
اشعاري جيبلرينده گزه‌ن سؤز خدالارين،
گؤردۆم ده، اؤز ائوينده خريداري گؤرمه‌ديم.
زندان خصمِ پست ده يارب! نه سرّ وار،
آزادليق ديلكلي گرفتاري گؤرمه‌ديم!
ياريندي طعنه‌زن، بلي بو طعنه‌دير سنه،
خانه‌نده يوخسا طعنه‌ي اغياري گؤرمه‌ديم.
كؤنلۆم قوشو اسير قفس قالدي دانه‌سيز،
بير آب و دانه وئرمگه دلداري گؤرمه‌ديم.
دۆزگۆن اوتوردو ساهير عزاسيندا، آغلادي،
اولاد ناخلف ايچينده عزاداري گؤرمه‌ديم.
يورد غزللري - ص 33.
آرديني اوخو
|
|
|
|
| |
|
اعتبارا آلدانما
|
|
|
بؤلوم : غزللر
|
|
من تا اۆزۆنه سنين نظر قيلديم،
جاندان‌دا، جهاندان‌دا، گذر قيلديم.
عشقين اۆره‌گيمده دوغرو يئر تاپدي،
عؤمرۆمده بئله بؤيۆك هۆنر قيلديم.
تۆركۆن اۆزۆنه دئديم گپيم تۆركجه،
دۆنيادا آديني ناموَر قيلديم.
ائل تاريخي‌نين فضائلين بيلديم،
ائل ايله اؤزۆمۆ مفتخر قيلديم.
خصمين حركاتين آلچاق حس ائتديم،
اوندان اؤتۆكندن
الحذر قيلديم.
اؤزگه منه «چاكرم!» دئدي، لاكين،
روحوندان، او بيلمه‌دن، خبر قيلديم.
دۆشمنلري قاودي تؤكدۆ دريايا،
قاشقايي‌ني
مۆلكه راهبر قيلديم.
دۆزگۆن دئيير اعتبارا آلدانما،
صيدق ايله‌دي ياري معتبر قيلديم.
قاشقايي
لوحه‌لري - ص 34 - 1377.
آرديني اوخو
|
|
|
|
| |
|
قاشقايي برهان اولارميش
|
|
|
بؤلوم : غزللر
|
|
هر گدا سلطان اولارميش باللهي،
داملادا عمّان اولارميش باللهي!
هر چتينليك، غيرت ملّي ايله،
انسانا آسان اولارميش باللهي.
آتچييا هر تنگه، هر دؤنگه - بوروق،
بير بؤيۆك ميدان اولارميش، باللهي!
يار ايله دوسدوغرو
ديدار ائده‌نين،
كؤنگۆلۆ تابان اولارميش، باللهي!
صيدقه قاشقايي ائوينده قلبي‌نين،
سؤنمه‌ين نئيران اولارميش باللهي.
دينله كيم دۆزگۆن دئير: «دۆز عشقيمه،
قاشقايي بورهان اولارميش، بالهي!».
قاشقايي
لوحه‌لري - ص 33 - 1377.
آرديني اوخو
|
|
|
|
| |
|
فارسيمدان
|
|
|
بؤلوم : غزللر
|
|
هر نه ائتديم گؤزه‌ليم باللهي زيبا ائتديم،
سن چكيلدين‌سه‌ده من، سنده تجلاّ ائتديم.
سني منده، مني سنده هامي گؤردۆ، اويدو،
دۆنيالار هاييما غرق اولدو، نه غوغا ائتديم.
منه آل - وئرچي دئسن بوردا قبولومدو منيم،
عشقيني قلبيم ايله جان ايله سئودا ائتديم.
من مسمّاني‌دا اسماني‌دا بير گؤردۆم، اينان،
گرچه اَحوَل تكي هر اسميني اسما ائتديم.
سنين عشقين ائله گۆج وئردي منه كيم بورادا،
ملّي بير پارتلاييشي، دالغاني بر پا ائتديم.
وصف ائده‌نميردي ديليم قامتيني، فارسيمدان!
ديليني اؤيره‌نه‌رك نُطقومو گويا ائتديم.
دۆزگۆنۆن عشقي آغير ائللرينه آرخ ايدي،
من او آرخا قوشولوب گؤلچه‌ني دريا ائتديم.
قاشقايي
لوحه‌لري – ص 32 - 1377. دكتر حسين محمدزاده صديقين (دوزگون) - ايكينجي شعر وبلاگينه باخين
آرديني اوخو
|
|
|
|
| |
|
داغ چيچگي
|
|
|
بؤلوم : غزللر
|
|
سن منيم كؤنلۆمه جانان گلدين،
سانكي جانسيز جانيما جان گلدين!
منه كيمسه دئمه‌دي عشق نه‌دير؟
سن منيم قلبيمه پنهان گلدين!
قرنلر يورودومو نورلانديردين،
قاراچادرلارا مهمان گلدين!
سنه «قاشقايي» دئديم، داغ چيچگي،
يارا جانان، يادا طوفان گلدين.
قوي سنينله آليشيم نشئه‌لنيم،
گئتمه آسان، مگر آسان گلدين؟
سؤزۆنو دينله‌مه‌ييرلر، نه يازيق!
سن ده دۆزگۆن تكي ارزان گلدين!
قاشقايي
لوحه‌لري - ص 31- 1377. دكتر حسين محمدزاده صديقين (دوزگون) - ايكينجي شعر وبلاگينه باخين
آرديني اوخو
|
|
|
|
| |
|
دۆنيايا سال بير داها جار
|
|
|
بؤلوم : غزللر
|
|
دۆنيا منه اولدو نگار، اي گؤزه‌ل!
يازدا باهار، گۆز ده
باهار، اي گؤزه‌ل!
باغدا آييلجاق سحر ائركن، گۆلۆم،
چكدي هاوار، مينلر هزار، اي گؤزه‌ل!
من سنه حيرانليغيمي گيزله‌مم،
يوخدو بو ايشده منه عار، اي گؤزه‌ل!
يانديم ايچيمده مني وورجاق دني،
چكمه‌ديم عشقيندن هاوار، اي گؤزه‌ل!
قاشقايي‌نين
غيرتيني، مردليگين،
دۆنيايا سال بير داها جار، اي گؤزه‌ل!
كئچميشينه باخ گيلن، اوز جدّي‌نين،
قدريني بيل، ائيلمه خوار، اي گؤزه‌ل.
دۆزگۆنو دۆز عشق ساليب چؤللره،
قويمادي قلبينده قرار، اي گؤزه‌ل!
قاشقايي
لوحه‌لري - ص 30 - 1377.
آرديني اوخو
|
|
|
|
| |
|
قاشقايي اولدوزو
|
|
|
بؤلوم : غزللر
|
|
من سنه وورولاندان، بيرجه سنله من يارام،
سندن اؤزگه‌دن دلبر، هر نه وارسا، بيزارام!
دان يئرينده قاشقايي، اولدوزو دئيه، گلديم،
آردينا دۆشن واختدان نه ياتيب، نه بيدارام.
گر تغافل ائتسن، من ماسوا تكين محوه‌م،
بيرجه اعتنا قيلسان، هر نه كي دئسن وارام.
گۆنده يۆز كره اؤلسن، گۆنده يۆز كره دورسان،
بلكه اوندا آنلارسان من درين بير اسرارام.
دورگيلن، عاغيل قويما من تكي دلي تۆركه،
تاجيك اولما، تات اولما، من دويوب دانيشمارام.
سانما يوردونو وئرره‌م يادلارا ديار اولسون،
سنده بيرجه دار اولسا، من او دارا ديّارام.
سورسالار نه‌دن دۆزگۆن عُمر سورمه‌يير آزاد،
سؤيله: «سئوديگيم يارين عشقينه گيرفتارام.»
قاشقايي
لوحه‌لري - ص 28 - 1377. دكتر حسين محمدزاده صديقين (دوزگون) - ايكينجي شعر وبلاگينه باخين
آرديني اوخو
|
|
|
|
| |
|
يالنيز آللاها باش اگسين
|
|
|
بؤلوم : غزللر
|
|
ييرلا،
ييرلا، گؤزه‌ليم! تانري سنه يار اولسون،
شاهه چك گؤيلره آغزين دولو اشعار اولسون!
قان ايچن دۆشمني قاشقايلارين چوخدور اينان،
بو ديلي، بو ائلي، الله نگهدار اولسون.
اوخو مأذون دده‌نين
شعري‌دي بو دٌرّ و گوهر،
ديليزه جاري اولان گپ، دُرِ شهوار اولسون!
سيزه قارشي نه يازيم لاييق درگاهيز اولا؟
سئومينلر سيزي چؤللرده دۆشۆب خوار اولسون.
غيرتين وئرمه‌‌سين الدن ائليزين گنجلري،
ديليني تاريخيني دانماسين هشيار اولسون.
يالنيز آللاها باش اگسين، اوجا توتسون باشيني،
ايستيرم كيم اودا دۆزگۆن كيمي بيدار اولسون...
قاشقايي
لوحه‌لري - ص 27 - 1377.
آرديني اوخو
|
|
|
|
| |
|
پاك سۆتۆنه حيف اولسون
|
|
|
بؤلوم : غزللر
|
|
حيف ياريم، او گؤزه‌ل قامتينه حيف اولسون،
قارا توپراغا دۆشن رايتينه حيف اولسون!
قدر وئردينسه باهاسيزلارا اؤز قدرينله،
بيلمه‌دي كيمسه، سنين قيمتينه حيف اولسون!
شوكتي - عزّتي، آبرونو گيرو قويدونسا،
ذلّته چكدي سني، عزّتينه حيف اولسون!
نه‌دير ائل سئوگيسي، هئچ قانمادي اول آلچاق
حريف،
بيرليگي پوزدو، ائلين وحدتينه حيف اولسون.
تانيمازميش او، شرف؛ بيلمز ايميش حيثيت،
آياغي آلتداكي حيثيتييه حيف اولسون!
ائلي، يادلارا نؤكر ائتمك ايله فخر ائله‌دي!
اونا امديرديگين اول پاك سۆتۆنه حيف اولسون!
دۆزگۆنۆن ووردو ساغالماز يارالار قلبيندن،
پوزولان ساغليغينا - صحّتينه حيف اولسون!
قاشقايي
لوحه‌لري - ص 18- 1377. دكتر حسين محمدزاده صديقين (دوزگون) - ايكينجي شعر وبلاگينه باخين
آرديني اوخو
|
|
|
|
| |
|
آمان وئرديم
|
|
|
بؤلوم : غزللر
|
|
بيرجه غم وئردي، مينجه جان وئرديم،
جاني جانانا جاودان وئرديم.
غمي ايله يوغوردو كؤيلۆم
ائوين،
عؤمرۆمۆ هديه شادمان وئرديم.
اورجانا
،
بولداچييا
گئتمك چۆن،
ساربانلارا آند - آمان وئرديم.
گلدي، غم غارت ائده كؤيلۆمدن،
يولدا دوردوم، يولونا، يان وئرديم.
دئدي: «قاشقائي‌ام، گپيم گپدير!»
«دۆزگۆنم!» سؤيله‌ديم، آمان وئرديم.
قاشقايي
لوحه‌لري - ص 17 – 1378.
آرديني اوخو
|
|
|
|
| |
|
يئني انسان
|
|
|
بؤلوم : غزللر
|
|
ايسته‌رم غئيرته گلميش يئني انسان اولاسان،
بو يازيق ملتي‌مين دردينه درمان اولاسان.
اؤزۆنه بير گله‌سن، فخر ائله‌يم قامتينه،
خوبلار ايچره گزيب، سرور خوبان اولاسان.
گۆنشه يۆكسله بؤركۆم اوجو شيرازلي
كيمي،
سن كۆلاهيمدا منيم درّ درخشان اولاسان.
آچاسان صورتيني پرده‌ي منحوسيندن،
بو قارانليق گئجه‌ميزده مه تابان اولاسان.
قارا توپراقلار اۆزۆندن دورا شمشاد قدين،
يئنه‌ده مملكت جمشيده خاقان اولاسان.
اردبيلدن
اوجاليب شاه‌ختايي
كيمي سن،
فرمانين جاري ائديب تبريزه سلطان اولاسان.
او بويون قوربانييام بير گله‌سن محفيليمه،
گۆللر ايچره سۆزۆلن سرو خرامان اولاسان.
قيراسان خلقين آياغيندان اسارت ايپيني،
دۆزگۆنۆن باشين اوجالدان يئني انسان اولاسان.
اردبيل
لوحه‌لري - ص 21 . دكتر حسين محمدزاده صديقين (دوزگون) - ايكينجي شعر وبلاگينه باخين
آرديني اوخو
|
|
|
|
| |
|
من سيد احسان، «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغام. اوميد ائديريم لذت آپاراسيز.
يوخاريداكي عكس، شاعر حسين دوزگونون ان يئني عكسيدير (1391).
|
|
|
|
سایغاج |
|
ایندی بلاق دا :
بو گونون گؤروشو :
دونه نین گؤروشو :
بو آیین گؤروشو :
بوتون گؤروش لر :
یازی لار :
باخیش لار :
یئنیله مه چاغی :
|
|
