|
عؤمرۆمۆن ايلك باهاريندا،
چيخديم گۆللۆ باغي گزديم.
تاپانماديم سئوگيليمي،
سولو گزديم - ساغي گزديم.
حياتيمدا بۆلبۆل اؤترۆ،
عشوه ساتان بير گۆل اؤترۆ.
وطنيم اؤترۆ، ائل اؤترۆ،
شاد-شاد اولدوم ساقي گزديم.
غمه وئرمك آرا اۆچۆن،
درتلريمه چارا اۆچۆن.
بير اۆره‌گي يارا اۆچۆن ،
مين دره‌ني - داغي گزديم.
اولدوم دۆشمني ظۆلمتين،
بير وورغونو طبيعتين.
باخچاسيني محبتين،
عؤمرۆمۆن خوش چاغي گزديم.
سئير ائده‌نده ايلك باهاري،
گؤرجك ايترديم شوخ ياري،
دۆزگۆن دئيير:«بير گۆل ساري،
باشدان باشا باغي گزديم!»
اوچغون داخما - 12 / 2 / 46 - ص 50.
|
