|
من دۆزۆنه قدم باسدېم،
ياشا سني، ياشا يايلاق!
يوللارېن نفسين كسديم،
ياشا سني، ياشا يايلاق!
آرزو ائديرديم اوشاق كن،
اويناياردېم داغلارېندا.
قسمت اۏلدو گؤرۆم سني،
عؤمرۆمۆن سون چاغلارېندا.
سندن كؤچن آغېر ائله،
باشېم اۆسته تاج دئميشم.
قاشقايې تك ائليم واردېر،
دڲيلم محتاج، دئميشم.
دۆزگۆنم من، صاف عشقيم وار،
چشمه‌لرين ساياق آخار.
سهندين اوجا
باشېندان،
حسرتله «دنا»يا
باخار.
قاشقايې لوحه‌لري - ص14 .
|
