شاعير دوستوم، دايان حله،
اليم بيلمير يورولماغي.
مني دينله، مني دينله،
بيليرسن كي اؤزون بئله.
چوخ آجيدير بير شاعيرين،
تك اولماغي، تك اولماغي...
داغ دؤشونون بولاغي تك،
من گؤزلردن آتيلميشام.
سانيلمايير بوردا امك.
آياق اوسته دورام گره‌ك.
ايللردير دوشمن اوخونا،
دوتولموشام، دوتولموشام...
منيم شعريم، منيم سؤزوم،
ائللريمه چاتماييبدير.
انتظاردا سوسوب گؤزوم،
قاراليبدير هر گوندوزوم.
ياد ائللي‌نين يالاني دا،
اوره‌گيمه ياتماييبدير...
اؤز يوردومدا، اؤز اوبامدا،
غريب گزيب دانيلميشام.
قلميمدن كاغيذلارا،
ياش تؤكموشم داملا - داملا.
بودور نرون، بودور فرعون -
آتشينده يانيلميشام.
عشقي مقدّس شاعيرم،
سينه‌مده وار قيزيل اوره‌ك.
بورا منه اولوب وطن،
مني هارا آتيرسان سن؟
نئجه يوموم من گؤزومو؟
بير دونيا وار بوردا ديلك...
كؤنلوم ائوي اولوب برباد،
قولاق وئرين سيز آ دوستلار:
حددن آشيب ظولم و بيداد.
يئرسيز من چكميرم فرياد.
ائل نيسگيلي بير شاعيري،
بيليرسيز نه
حالا سالار؟...
كيچيك
شعرلر - ص 47 .
