|
گؤزو آلا شاملو قيزي،
سينه‌نده ناري ايسته‌رم.
گله‌جگي يئتيرمگه،
سنين تك ياري ايسته‌رم.
اؤز ائليمه جان دئميشم،
دوشمنه قان-قان دئميشم.
سئوگيليمه يان دئميشم،
يارِ بيداري ايسته‌رم.
گؤزه‌ل سني من آتمارام،
يانيندان هئچده گئتمرم.
حله - حله من اؤتمرم،
«بنده سواري» ايسته‌رم.
منيم اوره‌گيم بيداردير،
سنيندير هرنه كي واردير.
اوّليم آخيريم ياردير،
كؤمگي، ياري ايسته‌رم.
منيم تك اشعار يازاني،
حق يولو، شرطي ميزاني.
اؤز ايچيميزه گزه‌ني،
گؤزه‌ل دلداري ايسته‌رم.
تات دگيلم من اگيلم،
دوزگونوم وار، آج دگيلم.
كيمسه‌يه محتاج دگيلم،
صاحب ديداري ايسته‌رم.
كيچيك
شعرلر - ص 52 . 1348
|
