|
من كؤنول وئرميشم يئلين سسينه،
كوشنه‌مه‌سينه!
نه قده‌ر اوزاقدا قاليبسان گؤزل
سني گؤره‌نمه‌يير منيم گؤزلريم
سيلاحلي، سيلاحسيز
گور باخيشلاريم.
ايگيني چكمه‌يير بورنوم‌دا، آخي!
من نه جور ايگله‌ييم؟
داديني دادماميش هئچ دوداقلاريم.
اؤپمك ايسته‌ينده اليني گؤزل،
يئلپنك ياپيشير دوداقلاريمدان
اليم‌ده، اوجودا بارماقلاريمين،
سني لمس ائده‌نمير
خيالدا، رؤيادا بئله.
اودور كي
سني تاپشيرميشام قولاقلاريما،
من كؤنول وئرميشم يئلين سسينه،
كوشنه‌مه‌سينه!
يئللره تاپشير او پري وجودون
قولاغيمدا منيم
قوي هئي كوشنه‌سين.
|
