|
منيم تورپاغيمدا چايلاقلار توتغوندور،
آمما دوغورماز دگيلديرلر.
گئجه- گوندوز آخيرلار
آخماجا ساياغي
يورغون گؤزلريله
گؤيلره باخيرلار
سئير ائديرلر هر ياني
اولدوزو، آيي،
دره‌ني، داغي . . .
منيم تورپاغيمدا دنيز سوسغوندور
سيلاحلاري دا
قوينوندا يوخ، الينده يوخ،
آلتيندا ساخلير.
گاهدا اؤزون گؤسته‌رير
كور اوغلونون آتي
دنيزدن چيخميش كيمي.
خيالدا ايسه گؤرونور
بابكين قوشونو گلير
همده فاتحانه
دوشمني ييخميش كيمي.
منيم تورپاغيمدا چايلاقلار توتغوندور.
آمما دوغورماز دگيلديرلر.
دنيزه آخيرلار،
هر گئجه- گوندوز.
هر داملادا
999 نوطفه
دنيزه تؤكولر.
|
