|
يولون قيراغيندا دورموش مسافر
اليله هئي منه اشاره ائدير.
« - هارا گئده‌جكسن؟»
دئينده اونا،
« - اوزون بير سفره گل آپار مني
مني توفانلارا مينديره‌نلرين
بورونون اوغگيلن
قوي گئديم بورادان
گئديم دونيادان!»
دئييرم.
يوخ قارداش!
من هارا، بو جاده هارا؟
يولو تانيميرام
يولو بيلميرم.
من اؤزوم توفاندان گلن بير قولام
ايلديريم تك
آمان!
شاخاندا بومبالار باشيمين اوسته
سانكي حلبچه‌يه داشناكدي گيرميش
خوجاليدان اورا بومبا گتيرميش.
- اوزون بير سفره گل آپار مني
خوجالي . . .
حلبچه . . .
آخ!
آخ!
قوي گئديم بورادان
گئديم دونيادان
|
