|
گئجه‌نين باغريندان شيغيييب گلدين
دان يئرين يوخ ائتدين.
توف سنه!
توف سنه!
بيرده توف سنه!
آج كؤپك تكي‌سن.
سومسوندون ديغا،
قانلي جاده‌لرده
قان قوسا- قوسا!
خوجالي‌نين لطيف گؤزه‌ل هاواسين
اولدوزلو يئلپيكلر
گئجه‌نين اوزونه ووراركن،
قودوز ايتلر گليب هافيلداديلار.
اهه!
گل اونوت گئجه‌ني،
روحوم دمير اولموش،
چيچكلر سولموش.
راديو ويييلدير،
ايت هافيلدايير
دان يئرين يوخ ائتدي
گئجه قارنيندان شيغيييب گلن
قودوز
ايت.
چكيل دور قيراقدا،
نامازيم قالير،
دان يئري سؤكولمور،
اذان سسي يوخ!
گئجه‌ني سحره قاتميشام بلكه،
اَه!
|
