|
بو اؤلوم يئلي‌دير گيرميش باغچاما.
گولوشلر قورودو
دوداق اوچوقلادي،
سو آخدي گوللري سوپوردو، يودو،
گوللرين پريسي چيخالي باغدان.
قوشلار هاي- كوي سالدي
ياپراقلار ساپ- ساري سريلدي يئره
گزديم باشدان باشا، بير زاد تاپماديم،
اللريم بوش قالدي،
گوللرين پريسي چيخالي باغدان.
منه افسوسلار اولسون
اونا حئييفلر،
قوخويا بيلمه‌ديم، مرجان قوخوسون
گزديمسه كوللارين گول نهاللارين
ايگليه بيلمه‌ديم هئچ بيريسيني،
گوللرين پريسي باغدان چيخالي.
خزه‌ل آراسيندا خزه‌له دؤندوم،
يان- يؤره‌مي بوتون خزه‌ل بورودو.
خزه‌للر باغچاني اللره آلدي،
گوللرين پريسي باغدان چيخالي.
|
