|
گئجه بير يوخو گؤرموشم
دئيه بيلميرم.
كيپريكلريم يانير، اودلانير،
بير- بيره چاليرام
هاني بس گؤردوگوم؟
سئوديگيم؟
كؤنول وئرديگيم؟
بونلار افسانه‌مي؟
من گؤردوم،
من سئوديم،
من كؤنول وئرديم!
يالانمي بونلار؟
آلدانديممي من؟
آخي گؤرمه‌گي، سئومه‌گي، كؤنول وئرمه‌گي،
من يالان سايمازديم
آلدانيش‌دا مندن اوزاق دوراردي،
اؤزومو بير پارچا اود سايارديم من.
ايندي سن دئيرسن
هاميسي افسانه ايميش!
يالان،
همده آلدانيش ايميش!
آمما منيم كيپريكلريم يانير، اودلانير
گئجه بير يوخو گؤرموشم
داها سنه دئيه بيلميرم!
دئمه‌رم،
يوخ،
دئميه‌جه‌گم!
|
