|
ييغيشدير اؤزونو
نه قده‌ر ايچيرسن بو زهر ماري؟
سنه مأيوس دئمك
اوميدسيز دئمك‌ده
چتيندير حله.
اوميدسيزليگيني هئچ گؤسترمه سن
ضايع اولماغيني گؤروره‌م آمما.
او زامان‌دا يالان دئييردين،
ايندي‌ده يالان دئييرسن!
او زامانكي اوميدين
يالان ايدي البت.
ايندي ايسه
اوميدسيزليگين
يئنه‌ده يالاندير.
دؤن باخ پنجره‌دن
خياوانلارين اوزو
حله‌ده قاندير.
ييغيشدير اؤزونو،
بلكه‌ده بو دفعه
دوغرو- دوزگون گؤردون
هر نه‌يي.
بلكه دويدون يايي، قيشي، باهاري
نه قده‌ر ايچيرسن بو زهر ماري؟
|
