|
دنيز قورتاراندا سما باشلايير،
اولدوزلار بير به بير سودا چيميرلر.
يالان آياق توتوب اسنده،
دئيير:
- گؤيدن آخدي منيم طالع اولدوزوم!
مين ايلليك اؤلو تك
نه باخيرسان گؤيه‌سن، سرين- سرين!
سمايا بئله‌مي چيخاجاقسان سن؟
اولدوز يئنسه‌ده، قالخير،
اولدوز، اولدوزدور!
سني خوليا باسير،
تيريئكي كيمي
بيري مين گؤرورسن،
ميني بلكه بير!
بئله ياشاماقدان نيّتين نه‌دير؟
نه دنيزه جومدون،
نه سمايا قالخدين!
آمما خيال يوخ،
خوليالاريندا
گؤيدن دنيزه‌ده آخدي طالع اولدوزون!
|
