|
گؤزلرين اؤلموشلر، باخيشين اؤلموش!
ساچ‌دا اوزالتميشسان
كئچميش «هيپي»لر تك!
آي نامرد!
من سني هر زامان سئوديم
دئديم گنجليگيمي
سنينله
پايلاشميشام!
«شعر دفتري»مي چالدين گنجليگينده.
1349- دا
اوتوز سگكيز ايل بوندان قاباق،
باخ!
نه دئييرسن ايندي.
ياديندامي «صالح!»
200 واراقلي «معتقدي» ماركالي بير دفتر؟
ايچينده لاله‌لر، باليقلار، اولدوزلار، گوللر، چيچكلر . . .
لاله‌زار بير سما
اولدوزلو دنيز . . .
دئدين:
«- وئر اوخويوم، صاباح گتيرره‌م!»
آللاهين صاباحي قورتارماز آخي!
سني يوخدان وارا گتيرديم،
ياراتديم،
بئجرتديم،
همده ايجاد ائتديم.
سن، يارادانيني
واردان يوخامي چيخارماق
ايسترميشسن!
وار كي يوخا چيخماز،
وار، وار هميشه.
يوخ كي اثبات اولماز،
وار، وار هميشه.
|
