|
آي جادو قوطوسو
بو نه آجي طالع
بو نه سرنوشت؟
سني قوردومسادا،
سنده بيرجه تيكه
نييه پاييم يوخ!
آيي- اولدوزودا كشف ائتديمسه من،
سنده آييم يوخ!
هر كسي بگنديم، هر كسي سايديم،
سنده عدديم يوخ، سنده ساييم يوخ!
آنام دئيير:
«- بالا بو نه دانيشير؟
دوشونمورم،
ترجومه ائله!»
بورا نه‌يه گلدين
آي جادو قوطوسو؟
آنام هشتاد ايل بوردا ياشادي
آمما
بوگون سنين ديليني باشا دوشمه‌يير!
بو نه آجي طالع
بو نه سرنوشت؟
آي جادو قوطوسو،
آي تيلي‌ويزيون!
|
