|
حسين آغيارلي ايلك مكتب معلميم، بيرينجي كلاس دا منه يازماق، يانماق و ياشامان اؤيره‌دن
استاديم، دكتر حسين محمدزاده صديق (دوزگون) حضرتلرينه اتحاف:
يازيلسين قوي كؤنول‌لرده، سنه مندن سلام اولسون،
آل الوان گول چيچك‌لردن وجودون شادكام اولسون.
نئچه ايلدن سورا من اولموشام بير ساقي‌يه محتاج،
اؤزومده ساقي تك يوروقون، قلملر الده جام اولسون.
گؤتور پيمانه‌ني ساقي، دولاندير گل بو مجلسده،
بو دوزگون عالمينده دوزگونه شن احترام اولسون.
منه گون تك نماياندير ياديمدان چيخماسان هرگز،
اوزو فاخرلي تاريخ‌دير، حياتي پردوام اولسون.
مين اوچ يوز قيرخ اوچو هيچ واقت ياديمدان قويمارام چيخسين،
منه درس اؤيره‌ديب اوستاد شعريمده قيام اولسون.
قوتار بو شعري آغيارلي يانان شمع‌لر گوناهسيزدير،
اوره‌ك سازلا ديله گلسين چالان سازدا كلام اولسون.
|
