|
شريفه جعفري (دنيز) توكنمهين ديلك،
سولمايان آرزو،
داغلار تيتره‌سه‌ده، سن تيترمه‌دين
تپيگينله دؤيدون-
داغ دره‌لري.
او چتين يوللارين،
داشلي يوللارين،
نه چالي باغلادي-
نه چاقيقر تيكان.
آلچاقين سويوندان ديله وورماييب،
ائله‌دين زيروه‌ده، اوجادا مكان.
قلمي سوزدوروب بارماقين ايچره،
باغلادين ياراسين.
بير- بيرائليمين.
آليب اؤزلوگومو وئردين اؤزومه،
سؤزو وار دئمه‌يه،
ايندي ديليمين.
اوستاديم!
قانونوم،
آي عدالتيم!
چيرپينير اوجومدا آنجاق اوره‌گيم.
اوره‌كلر سنين‌له توكنمه‌يه‌جك،
يوللارجا
يوللارا ايزين سپيلير.
توكنمهين ديلك،
سولمويان آرزو،
داغلار تيتره‌سه‌ده سن تيترمه‌دين.
|
