|
قيزيم! بو دۆنيادير كئچيب گئده‌‌‌جك،
ياخشيلق يامانليق بۆتۆن اؤته‌جك،
اۆره‌ك‌سيز ياشايان اۆميدسيز اولار،
اۆميدده حياتين گۆلۆ بيته‌جك،
قيزيم! سحر اولدو، پنجره‌ني آچ،
سيجاق گۆلۆ‌شلري حياتيما ساچ،
كپنك‌لر قونوب گۆللر اۆستۆنه،
كپنك آردينجا بو باغلاردا قاچ،
قيزيم! باخ، دوپدورو آخماجا آخير،
باباوين گؤزۆدۆر گؤزۆنه باخير.
غضبي، اۆميدي، عشقي، سئوگي‌‌سي،
ايللردير ساوالان اۆستوندن شاخير.
اردبيل
لوحه‌لري - ص 1 .
|
