يوللار چوراخ، اۆره‌ك يانغين، ديل اودلو،
سئودا درين، حسرت آغير، درد چوخ.
كؤنۆل دلي، ياريم جفا اهليدير،
پوزغونلانميش حاليميزا يانان يوخ!
«گل!» دئمكدن داي گلميشم آمانا،
انتظاردا اوسانميشام جانيمدان.
سوروش بيز تك جانا قييان وورغونا
نولار قيلسا بير التفات او جانان؟
سوسماياراق، دؤنمه‌يه‌رك گئرييه
دايانمادان چيرپيناريق اينان بيز.
ايستسه ها چتينليك‌لر قاووشسون،
چاليشيبان قوياجاغيق ايزه اۆز.
درتلي‌لره گؤره گره‌ك انسانين،
سئوه ن كؤنلۆ سئودالارا بۆرۆنه.
انسان گره‌ك گۆن كئچيرده بئله‌جه،
عؤمۆر گره‌ك بو يوللاردا چۆرۆنه.
كيچيك
شعرلر - ص 85 .
