|
ملت آييلاجاق دئميشديم سنه،
انتقام آلاجاق دئميشديم سنه.
ياغي‌‌نين قصري‌نين يئددي رۆكنۆنه،
زلزله سالاجاق، دئميشديم سنه.
هئي دئييرديم كيمسه دؤزمز بوداغا،
سينمارام، دۆشه‌رم يئني نؤوراغا.
ان يئتگين نسليميز قالخيب آياغا،
غلبه چالاق دئميشديم سنه،
باخ ايندي اورمويا، تبريزه، خويا،
ساوالاندان گلن فريادا هايا.
اردبيل اؤز ساوين قالديرميش آيا،
ذيروه‌ده قالاجاق! دئميشديم سنه!
اردبيل
لوحه‌لري - ص 2 .
|
