بير گۆن سن‌‌سيز اوزاقلاردا ياتاراگ، [1]
بو دۆنيانين غم - غصه‌‌سين آتاراگ،
بيزده سن تك غريبليگه باتاراگ،
يئردن قالخيب وطن، وطن دئيه‌رۆك،
غريبليگي
ياقيزليغي اؤيه‌رۆك.
ظن ائديرديم سن‌ده من تك قوجاين [2]،
گلديم گؤردۆم قدّين يۆكسك اوجاين.
سؤيله گؤرۆم حسرتلرله نئجه‌ين؟
«منصور»[3]ون
اؤيدۆگۆ لاله‌لي دنا،
قاشقايي اويلاغي آي دلي دنا!
اوبالاردان، كؤچدن، ائللردن سؤيله،
قارا آيلار، آغير ايللردن سؤيله،
اتگينده جوشان سئللردن سؤيله
ييرلايان[4]
آغلايان ايگيدن دنا،
اۆره‌گي
داغلايان ايگيدن دنا!
قاشقايي ائلي‌نين اوجاباش داغي،
قيسالدان زاماني، قيسالدان چاغي.
كئچنمه‌دي سندن هئچ زامان ياغي،
سلام اولسون اوگۆنلره، ايللره،
شوكتيني
ايتيرميه‌ن ائللره . . .
انگليزي حمله ائده‌نده بيزه،
آلتميش مين ايگيدين تؤكدو دنيزه [5].
آمما حسرت قالدين نه‌دن تبريزه؟
ائللرين ايچيندن اوجالان دنا،
حسرت غمي
ايله قوجالان دنا.
قاشقايي
لوحه‌لري - ص 5 .
