|
آي آقالار، آي اوخوموش بيلگينلر!
ياز موسمي داغلاردان سو تؤكۆلر.
علميز كيمين خيدمتينه كئچيبدير؟
ائلين ديلين كسسن، بئلي بۆكۆلر!
علم اودور كي قارالاري آغاردا،
قويمايا ائل قالا بوروقدا داردا،
اؤزۆن اسگيك سانان گؤرۆبسن هاردا؟
ائلين ديلين كسسن، بئلي بۆكۆلر!
دۆزگۆن دئير: «گل توت منيم قولومدان،
خير اولمادي نه ساغيم، نه سولومدان!
قاشقايي آيريلماز رسم و يولوندان،
ائلين ديلين كسسن، بئلي بۆكۆلر!»
قاشقايي
لوحه‌لري - ص 6 .
|
