همدان دانشگاهيندا «تۆرك مدنيتي»
موضوعوندا دانيشديغيم مناسيبتي ايله.
بوعلي مدفني‌نين نزدينده،
همدان شهرينه باغلي «بيلي يورد»!
گلميشم، دينله منيم سؤزلريمي:
«سنده دؤرد يۆز جوانيم درس اوخويور،
تيكميشم اونلارا
من گؤزلريمي!
قويما تبريز سيلينه بئينيندن،
قويما كؤكسۆز ياشاسين اولاديم.
بيرده چئينتسن اگر تاريخيمي،
قالخاجاق اعتراضيم فرياديم،
سينه‌ن
اۆسته قويارام ديزلريمي!
علم اوجاقلاريني تسخير ائتديم،
من، شرف قايناغي، آديم تبريز،
مدنيت ياراديب آد ائتديم،
سنده تاريخ بويو چوخ سالديم ايز!
بوردا
آختارمالييام ايزلريمي!
تبريزم، دوغدوغوم هر بير فرديم،
يئني حاكيم يارانير حكم ائله‌يير،
گؤردۆگۆن دينله‌ديگين دۆزگۆنه باخ،
علمي اؤتگۆن، سؤزۆ كسگين دانيشير،
تيكميشم من
اونا اؤز گؤزلريمي.»
تبريز يوللاريندا - ص 28.
