بير دينله تبريز:
بوراسي «الخليل» دير!
اوزون عصرلر شهري،
فلسطين توپراغينين قاشداشي،
بيلينمه‌يير ياشي.
ابراهيم (ع) حرميني
قوجاغيندا ساخلايان يورد
بورادير!
اطرافيني سارميش ييرتيجي آيي، آج قورد
بورادير!
بلي، بوراسيدير.
من اونودماميشام كفر قاسيمي،
تل زعتري
تل ياسيني...
ايندي تكرار اولور او دقيقه‌‌لر،
آچيلير قارشيمدا چوخ دفينه‌لر.
شهادت گنجي وار بو دفينه‌لرده،
قانلي قيلينجلار ساخلانير بطنينده اونون.
ظن ائتمه جنايت ائله بوگۆن‌مۆش
تاريخين ان اسكي صحيفه‌لريني،
قانا بوياميشدير بني اسرائيل
لَعِنُوا
دئييبدير قرآن‌دا
اونا
اللري زنجيره باغلانميش دئميش.
ايندي لاكين بعضاً اللرين آچميش
اؤزۆن اۆستۆن نژاددان سايان شوونيست
مسلمان قانينا بله‌يير هرگۆن
بورا «الخليل» دير
فلسطين توپراغينين داش قاشي
بيلينمه‌يير ياشي.
قانا بلنديلر مظلوم عربلر...
اونلارين‌دا ياشلاري
«الخليل» ياشي كيمي هئچ بيلينمه‌يير...
انسانليق ياشي قده‌ر ياشلاري واردير.
اؤلمه‌ميش بوردا اؤلدۆرۆلنلر
اونلارين قانلاري
منيم دامارلاريمدا
سنين دامارلاريندا
دولانير تبريز.
بورا «الخليل» دير،
بوسنادا
صربلر
قاراباغدا
داشناكلار
هاميسي بيلير كي:
بورا «الخليل» دير...
تبريز يوللاريندا - ص 83.
