گل گيره‌ك آي گؤزه‌ل، ناغيللار باغينا.
ترپه‌دك آتلاري، افسانه داغينا.
سئير ائده‌ك خالقلارين، آرزوسون ايسته‌گين.
دويوبان سسله‌دك، ائللرين ديله‌گين.
گل تؤكك گؤز ياشي، آرزولار ايزينه.
ديزليمچه باغلاياق، قهرمان ديزينه.
ياراقلي ائيله‌يه‌ك، قاباقجيل كيملري.
اوخوياق آغلاياق، تيتره‌دك سيملري.
هر زادي داغيلميش - ساورولموش ائليمين،
ولاكن غرورو، قاورولموش ائليمين،
سولموش گۆل - چيچگين، قالديراق يوخودان.
آلسينلار يكسره، انتقام دۆنيادان.
انتظار وورغونلار،
چاتيشسين يارلارا،
بيز قوشاق نغمه‌لر، لذتلي باهارا ...
كيچيك
شعرلر - ص 98 - 17 / 2 / 44 - هريس.
