ماوي گؤيۆن، اعماقيندا، غروريله سۆزۆب
قاناد چاليب قالخ داهادا، اوجالارا قارتال.
بولوتلارين اۆستۆندن‌ده، اؤتۆب - گئچيب،
قاوزان
قانادلان تا اۆره‌گين كي سئوير هارا قارتال.
دايانماقدان اصلا چيخماز هئچ نه فايدا - به‌هر
طبيعتده وارسا عؤمرۆن، سوسما چاليش جانلا.
اۆره‌گيوين يئلكنيني، آچيب اؤتۆر يئله،
ايسته‌ديكجه سئوديكجه ده، قانادلان ان اوجا
آزادليغين عشقينه چال قانادلارين آرتيق،
طبيعته اۆره‌گينده سئوگي بسله شيرين.
باجارديقجا، تامام روحلا، جانلا چاليش،
دورما
يئرده آچان چيچك‌لري قوي ايسلاتسين ترين.
اوجالارا يول آچديقجا، گؤز سالديقجا آلتا،
طبيعتين مينلر سيرري، سنه اولار عيان.
آزاد اوچوب اوجا قالخيب، گؤره‌ر گؤزله باخسان،
دورار گؤزۆن قاباغيندا، دانيشاجاق جاهان.
قارتال قاوزان بيزدن آيري دۆنيالاري سئير ائت.
انسانلارا اوزاقلاردان گتير خوش - خوش خبر.
دئينه گؤره‌ر گؤزله دوروب چاليشسينلار هامي.
دايانماقدان، خوليالاردان چيخماز بوردا ثمر.
كيچيك شعرلر - ص
105 - 13 / 2 / 44 آي قالاسي .
