|
حزين، حزين ييرلا، قوربان سسينه،
گل آغلاياگ، خوب جانانا آغلاياگ.
قوي سسي‌نين حسرت سيمي اينله‌‌سين،
بو كلبه‌يه، بو احزانا آغلاياگ.
بير وار ايميش بير يوخوموش دۆنيادا،
مرد آنالار باج وئرمزميشلر يادا.
ايندي گئديم كيمين اليندن دادا؟
باج وئره نه، باج آلانا آغلاياگ!
قاشقايي‌نين ايگيد مرد آناسينا،
بئلي بۆكۆك قوجاسي، آتاسينا،
دۆزگۆن دئيه ر سئوينجيميز ياسينا،
غملي-غملي بيز مردانا آغلاياگ!
قاشقايي لوحه‌لري - ص
7 .
|
