قاشقايي گؤزهلي نه يازيم سنه؟
لاييق سؤز تاپميرام صداقتينه،
ائله عزّت وئرهن، شرف بخش ائدهن
حيرانام تۆكنمز صاف نيّتينه.
نه بزهك، نهده سۆس ياراشمير سنه،
زۆلال جيسمين روحون بيلمهيير بوياق.
قوي گۆلۆنج ائيلهسين «تمدّن»! سني،
سن قوردون تمدن، سن قوردون اوجاق.
اصيل معنويات، اصيل شفّافليق،
اۆزۆندن، گؤزۆندن، ديليندن آخير.
نهدن معصوم- معصوم او بايغين گؤزلر،
قوجالميش يورولموش دۆزگۆنه باخير؟
قاشقايي
لوحهلري - ص 8 .
|