|
قارداشيم راديونو ائلين دينله‌يير،
پوزما ائلين ديلين، قان بير آز باري.
مني سايا گلمه‌سن‌ده گلمه هئچ،
اؤز ننه‌وي آدام سان بير آز باري.
دانيشديغين بو ديل هئچ يئرده يوخدور،
قايدا‌‌سيز قانونسوز كلامين چوخدور.
سؤزۆن ائل قلبينه زهه‌رلي اوخدور،
ائلين‌ده حالينا يان بير آز باري.
دۆزگۆن نه‌دن بؤيله سن گئج اوياندين،
نه‌دن قونشو تويوغونو قاز ساندين؟
اؤزۆنۆن مۆلكۆنۆ - وارليغين داندين،
اؤزگه‌نين‌ده يوخون دان بير آز باري!
زنگان
لوحه‌لري - ص 11 .
|
