بوغور سنين سسين بۆتۆن سسلري،
شاهه چكيب آذربايجان دئينده.
ياراشيقلي، ساري تئللي زنگانلي،
جانلانيران سن منه جان دئينده.
بؤيۆك باياتلارين اوجا باش اوغلو،
آلچالما، آلچالماق ياراشماز سنه.
اؤيۆن تاريخينه، اؤيۆن ائلينه،
دؤيۆن اۆركلرده، باغلان وطنه.
ايلهام آل زنگاندان،
قيزيل اؤزه ندن،
اوجا توت باشيني، اگيلمه يادا.
بيلئيدين كاش قلبيمده كي سيرريمي،
وئرمزدين اوندا سن ائليمي بادا.
بير خزينه‌‌سيدير اجداديميزين،
بيزه ميزاث قالان آنا ديليميز.
غيرت‌‌سيز قايغي‌‌سيز ياشاساق اگر،
آلچاقدا ياشايار اوجا ائليميز.
زنگان
لوحه‌لري - ص 11 .
