قارانليقدا يامان سؤندۆ چيراغيم،
يانيلديم، ييخيلديم، اوچدو داياغيم.
قيزيل اؤزه ن كسمه منيم قاباغيم،
سولاريندا قيزيم سارا قاليبدير.
قاراقوشلو، طاريملي نازلي گؤزه‌ل،
سنه يازديم يۆز گرايلي، يۆز غزل.
درديمي سؤيلرديم اؤزۆنه ازل،
سؤيله بو درده بير چارا قاليبدير؟
اسگيلتمه اؤزنۆ باتيرما آدين،
قوي بير داملا داديم درمانين دادين.
قلبيميزده، گؤزه‌ل! بو نامرد يادين،
وورماميش اوخونو هارا قاليبدير؟
بؤيۆك خطر ائتديم سنه وورولدوم،
عشقين درياسينا دۆشدۆم، دورولدوم.
گؤزه‌ل رحم ائت، يول گئتمكدن يورولدوم،
گؤزلريم آغيندا قارا قاليبدير.
يالقيز قويدون مني جانسيز جانانسيز،
ياشايا بيلمه‌رم آذربايجانسيز.
گل ترك ائتمه سن يانيمي درمانسيز،
دۆزگۆنۆن قلبينده يارا قالبيدير.
زنگان
لوحه‌لري - ص 12 .
