|
آي قيز! ملاحتين اؤزۆنده بالله،
دادين، طراوتين سؤزۆنده بالله.
سئحر ائديجي او گۆج، گؤزۆنده بالله،
اؤزگه دونون گئيمه، دار گلر سنه.
او شالپام فارسجاندان
ايگره‌نيرم من،
بئله اؤزۆن منه سئوديرنمزسن.
سحر - آخشام سنه دئيير هر گلن
اؤزگه دونون گئيمه، دار گلر سنه.
وطنين ناموسلو قيزيسان گؤزه‌ل،
سنه دۆزگۆن يازيب اون دفتر غزل.
اوجادان دئميشم بونو لاپ ازل:
اؤزگه دونون گئيمه، دار گلر سنه.
زنگان
لوحه‌لري - ص 14 .
|
