داشينا داغينا گيرمه‌‌سين ياغي،
باغين - باخچان اولسون بۆلبۆل اويلاغي،
ائللر وئرسين سنه يئني نؤوراغي،
وطن اوغلون سسله هارايا، زنگان!
ماراللارين زؤهرۆن چؤلۆن بۆرۆسۆن،
هر سحر سئير ائديم جئيران سۆرۆسۆن.
قورخوسوز- غوغاسيز سۆرۆ يۆرۆسۆن.
وطن اوغلون سسله هارايا، زنگان!
چاغداشلاشسين جاده‌ن، كۆچه‌ن، ائولرين،
قوينون سيجاق اولسون، بولاغين سرين.
ايسته‌سن بزه نسين بۆتۆن هر يئرين،
وطن اوغلون سسله هارايا، زنگان!
يئنه يايسين معارفي، عرفاني،
قرآنا
- اسلاما چكسين دۆنياني.
دۆزگۆن دئيه ر گل سئو آذربايجاني،
وطن اوغلون سسله هارايا، زنگان!
زنگان لوحه‌لري - ص
15 .
