نامازين باشلاييب قورتارانا دك،
نور ياغير آنامين يان - يؤره‌‌سيندن.
ظلمت‌لردن قالخيب باخان بايقوش تك،
ايللردير حئيرانام بو حالته من.
نه قده‌ر سؤزۆن وار آللاها، آنا!
قلبي‌نين شهرينه كيم گيره بيلر؟
الله وئرميش سنه ايمان گۆجۆنۆ،
تۆكنمز درديني يالنيز او دينلر.
بور- بوجاق آختاران ديري گؤزلرين،
تواضع كاني دير ناماز قيلاندا.
مقدس دۆنياندا نه حكمت‌لر وار،
سن هاياندا، آنا، اوغلون هاياندا؟
من پئشمان- گنه‌كار يازيق اوغلونام،
چادراوين اتگين اؤپدۆم گؤزۆمله.
حسين دۆزگۆنم من، يالان باجارمام،
سني تحسين ائتديم دوغرو سؤزۆمله.
زنگان
لوحه‌لري - ص 18- 7 / 4 / 77 .
