سولاردان دورودور آيدان آريدير،
سنين ايكي ركعت خاليص نامازين.
اسرار قايناغي‌دير، سير قاپي‌‌سيدير،
بؤيۆك الله ايله راز و نيازين.
نه‌لر ياتميش آنا، قلبينده بيلمم،
آلت- اۆست اولورام سن ناماز قيلاندا.
گؤزۆنده سئزيرم ميرواري‌لري،
گؤيلردن آناجان وحي‌ين گلنده.
من سنه باغلييام سندن آلميشام،
دۆنيادان الله‌دان هيدايتيمي.
سنين دورو دوعا، دورو ذيكرينده،
تاپميشام عشقيمي نهايتيمي.
دۆزگۆنم بير اولو آنايا باغلي،
جايسامدا، پئشمانام توبه ائديرم.
باغيش ديله آنا منه الله دان،
سن گئده‌ن دوسدوغرو يولو گئديرم.
زنگان
لوحه‌لري - ص 19- 6 / 6 / 77 .
