|
هردن فيكر ائديرم اونودام سني،
گؤرۆرم اولمايان امكانسيز ايشدي.
حياتيم آنلاري سنسيز كئچنده،
بير يولدور يوخوشسوز، بۆتۆن يئنيشدي.
سندن آيريلميشام، قلبيم آجييير،
وصف ائده بيلميرم پوزغون حاليمي.
كيمسه بيلمير نه‌دير، نه‌ييمدير منيم،
سن بيلرسن آنجاق بو احواليمي.
سن منيم عشقيمله سيلاح گئيينسن،
اؤزۆمۆ من ناكام حس ائيله‌مرم.
قارشيسيندا دورسان امپرياليزمين،
آيريليق سؤزۆنۆ داي سؤيله‌مرم.
كيچيك
شعرلر - ص 22- 1351 - اردبيل .
|
