|
من دۆزۆنه قدم باسديم،
ياشا سني، ياشا يايلاق!
يوللارين نفسين كسديم،
ياشا سني، ياشا يايلاق!
آرزو ائديرديم اوشاق كن،
اوينايارديم داغلاريندا.
قسمت اولدو گؤرۆم سني،
عؤمرۆمۆن سون چاغلاريندا.
سندن كؤچن آغير ائله،
باشيم اۆسته تاج دئميشم.
قاشقايي تك ائليم واردير،
دگيلم محتاج، دئميشم.
دۆزگۆنم من، صاف عشقيم وار،
چشمه‌لرين ساياق آخار.
سهندين
اوجا باشيندان،
حسرتله «دنا»يا باخار.
قاشقايي
لوحه‌لري - ص14 .
|
